بدون تعليق

تبدأ الحكايه في صيف 2005 عندما قام العقيد ولد محمد فال بانقلاب عسكري في موريتانا عارفينها دي دوله عربية على فكره
وعد هذا الرجل بتسليم الحكم عن طريق اجراء انتخابات تسليم السلطة للمدنيين خلال سنتين
طبعا محدش صدق نصدق مين يا عم دا حاكم عسكري عربي وركب الكرسي بدراعه هيسيبوه استحاله
لكن المستحيل حصل وقبل معاده
في 19-4-2007 قام العقيد ولد محمد فال بتسليم السلطه رسميا بعد انتخابات رئاسية فريدة من نوعها في العالم العربي‏,‏ تنافس فيها ثلاثة أشخاص‏,‏ جرت الإعادة بين اثنين منهم في جولة ثانية‏,‏ ونظمت مناظرة بين الاثنين تابعتها الجماهير الموريتانية‏ ,‏ وفي الاقتراع فاز المرشح سيد ولد الشيخ عبدالله بنسبة‏52,85%‏ من الأصوات‏,‏ في حين حصل منافسه أحمد ولد داده علي‏47,15%‏ من الأصوات‏,‏ وبذلك طويت صفحة الحكم العسكري‏,‏ وعاد العقيد الى ثكنات الجيش
بعد 19 شهر فقط‏
طبعا محدش من القادة السياسيين بتوعنا حضر اظاهر خاف يتعدى او يمكن ما كانوش فاضيين لان في الوقت ده كانت مصر واقفه على قدم وساق في انتظار لقاء السحاب في احتفالات النادي الاهلي المصري بمئويته
طبعا الحدث الذي لا يمكن ان يتخلى عن حضورة اي من القادة السياسيين في مصر
عموما خليني حسن الظن وسأقول انني لا افهم في السياسة ربما كانت مئوية الاهلي المصري اهم سياسيا من تنصيب رئيس منتخب في دوله عربية

انت وحش = انا كويس مين قال

من الصور المشهورة في الاعلام صورة الوالدين المنفصلين وكل طرف يحاول اظهار افضل ما فيه لاستقطاب الابناء وابعادهم عن الطرف الاخر

فهذا الاب يغدق العطايا الماليه والهدايا والفسح على الابناء

وهذه الام تفرط في الحنان والتدليل للابناء



ولكن هذه الصورة ليس لها اي اثر على الحياة العامة

فانت ترى اي طرفين متقابلين في اي مجال يعتمدون مبدأ

"تعالى في حضني احسن فلان ده كخه"

والمبدأ ده موجود من اول الاحزاب السياسية للفرق الدينية حتى بياعين الخضار

طب اذا كان فلان ده كخة ايه ضمني ان حضنك ما فيهوش شوك

العجيب ان الناس بتحب تستريح وتريح دماغها وتكبر الكبورة

واهي اي حاجه تتحجج بيها وخلاص

رغم اني شايف ان اللي بيتكلم بالطريقة دي في كلامه اعتراف ضمني ان هو كمان وحش



المصيبة افدح واكثر تعاظما لما تكون بين رجال الدين

نفسي اي اتنين في نقاش يبقى هدفهم يوصلوا للحق مش لتفضيل واحد على التاني

مانت لو قدامك اتنين واحد جايب 10% والتاني 11% ما التاني احسن من الاول بس الاتنين ساقطين

القضاء

حكمت المحكمة حضوريا على المتهم زيد بالبراءه
واحالة الرائد عبيد الى التحقيق بتهمة الاخلال بمهام وظيفته

عن رسول الله انه قال
القضاة ثلاثة اثنان في النار وواحد في الجنة:
رجل علم الحق فقضى به فهو في الجنة،
ورجل قضى للناس على جهل فهو في النار،
ورجل عرف الحق فجار في الحكم فهو في النار

[أبو داود، الترمذي، النسائي، ابن ماجه]