فكره

لو كنت وزير الطاقه كنت طالبت وزير الصناع (عشان بصراحه مش عارف مين فيهم المسئول)
باصدار قرار يلزم جميع مصانع السيارات في مصر بتصنيع سيارات تعتمد على الغاز الطبيعي بدلا من البنزين

ايام الحرب العالميه التانيه واجهت المانيا ازمه شديده في الطاقه كان النتيجه اكتشاف خطير هو اسالة الفحم

كمان السوق المصري سوق خصب جدا لتجار السيارات, وقرار ذي ده مش هيقلل من عدد السيارات او انواعها بالعكس دا هيدفع بالشركات الكبيره الى ايجاد حلول جيده لمشاكل تسيير السيارات بالغاز الطبيعي.

طبعا انتم عارفين ان مصر عندها احتياطي من الغاز الطبيعي يفوق بكتير البترول وكفايه اقوقلكم ان مصر بتصدر غاز بينما تستورد بنزيل
وبلاش نستفيض في موضوع تصدير الغاز عشان منقلبش المواجع

عموما الفكرة دي ممتازه وانا احب اسجل اني انا صاحب الفكرة وعايز نسبه من اللى هتوفره الدوله من استيراد البنزين

سندوتش قطران

تخبل لو واحد عزم عليك بسندوتش لحمه
بس العيش من جوه مدهون قطران او بلك او زفت مش هتفرق كتير
هتقول عليه ايه
تخيل بقا لو واحد جه اخد السندوتش واكله وهو مستمتع هتقول عليه ايه دا كمان

السندوتش دا هو السيجارة

طبعا مع الفارق بين التبغ واللحمه
المهم ان مجرد وجود القطران في السجاره سبب وجيه جدا للاشمئزاز منها ومع ذلك تلاقي المدخن مستمتع

تكلم احد اصدقائي عن التدخين فذكر قول رسول الله صلى الله عليه وسلم
"تعرض الفتن على القلوب كالحصير عودا عودا. فأي قلب أشربها نكت فيه نكتة سوداء. وأي قلب أنكرها نكت فيه نكتة بيضاء. حتى تصير على قلبين، على أبيض مثل الصفا. فلا تضره فتنة ما دامت السماوات والأرض. والآخر أسود مربادا، كالكوز مجخيا لا يعرف معروفا ولا ينكر منكرا. إلا ما أشرب من مراه"
رواه مسلم واحمد

ثم قال ان التدخين لا ينكت نكته سوداء في القلب فقط ولكن في القلب والرئه واللسان واللثه والمرئ والحلق ......

اخي في الله
اقل عقاب تعاقب به على سلبيتك في النهي عن منكر التدخين هو التدخين السلبي

الشرك