تنظيم الاسرة

تنظيم الاسرة من المسائل التي تشغل بال حكومتنا الموقرة بشده
وهذا لانهم ينظرون الى الموارد البشرية على انها افواه لا ايدي

ايضا الفقهاء تشغلهم هذه المسائل بين تنظيم وتحديد وتفريعات لا ارى من ورائها اي فائده

يوما بعد يوم يرينا الله من اياته ما يثبت ان خلق الانسان لا مرد له الا لله عز وجل ان قرر ان يخلق فلان بن فلان فلا راد لقضاءة
لا تنظيم ولا تحديد

اخر ما اعرفه من هذه الايات تلك الفتاة من محافظة البحيرة انجبت سبعة من الاطفال في ولادة واحدة
وكان عندها ثلاث لتصبح اما لعشرة اطفال من اربع ولادات
http://news.yahoo.com/s/ap/20080816/ap_on_re_mi_ea/egypt_septuplets

انا ارى ان تحديد النسل خوفا من ضيق العيش وتقلبات الزمان انما يضع صاحبة في ما حرمه الله في قوله
"ولا تقتلوا اولادكم خشية املاق"

ارى ايضا ان النظر للانسان انه فم ياكل ويستهلك خيرات الارض انما هو اهانة لما كرمه الله

والانسان الذي يضع نفسه في هذه الصورة انما خان الامانه التي اعطاها الله له وانما سخر له ما في الكون من اجلها

اذا فكلا من الشعب والحكومه في هذه المحروسة له نصيبه من الوزر

قانون سكسونيا

صدر الحكم في قضية العبارة في نفس يوم ماتش الاهلي والزمالك
يمكن مقصوده ويمكن لأ

محامي ممدوح اسماعيل بيقول ان الحكم بالبراءة بخصوص تهمة التقاعص عن ابلاغ النجده لكن المسؤل عن موت الناس هو القبطان اللي مات معاهم
يمكن يكون كلامه صح في حدود القانون لكن في حود الحقيقه الله اعلم

بمناسبة الكلام عن القانون هو كان قانون المرور القديم اتطبق عشان نعرف اذا كنا محتاجين قانون جديد ولا لأ
طبعا معروف ان اي قانون بيطبق على فئة معينه دون غيرها _ مسلمات مصرية_ الفئة دي معندهاش عربيات

حاجه تحزن

تلاقي على الفيس بوك جروب اسمها حاجه كده زي
" عايزين مش عارف كام الف عشان نقفل جروب مش عارف5 اسمها ايه"
وبعدين تدخل الجروب الاولى تلاقي ان اصحابها سابوها ودخلوا في الجروب التانيه
يعني انضموا للعايزين يقفلوا الجروب بتاعتهم

غالبا المجموعات دي بتبقى ناس عالمانيين او ملحدين بيناقشوا فكر الاديان وحاجات من هذا القبيل
فيجي واحد متحمس يعمل جروب يقول عايزين مليار واحد عشان نقفل جروب الكفرة اللي بيسبونا دول
يقوم الكفرة الشتامين سايبين الجروب بتاعتهم ومشتركين في الجروب الجديده
وطبعا الشباب المتحمس كتير فتلاقي الجروب بتكبر وتكبر والعدد فيها بيزيد

المهم
الكفرة الشتامين بيطرحوا مواضيع للمناقشه وافتراءات وشبه، نفس اللي كانوا بيعملوه على الجروب الاصلي بتاعهم
المدافعين عن الدين على شقين
عرب وغير عرب "دي التقسيمه اللى انا لاحظتها"ز

تلاقي غير العرب بيدافعوا عن الاسلام بضراوه وبيشرحوا كويس جدا بطريقه تنم عن اطلاع وفهم
وتلاقي العرب بيعلنوا عن مجموعات تانيه او بيبعتوا فيوهات حاجات غريبه اللى اغاني واللي كوره ونادر لما تلاقي حاجه مفيده

للاسف المسلمين غير العرب فاهمين الاسلام وبيخدموه اكتر من العرب
احنا اقصد ك عرب ممكن نخدم الاسلام اكتر بكتيير خصوصا ان التراث الاسلامي عربي
اهم كتاب في الاسلام عربي
نصوص السنه عربيه

احنا محتاجين كتيييير كتييير من الاخلاص

قبول الحاصلين على مؤهلات عليا من الجامعات المصرية بنظام الانتساب بالازهر

القاهرة - محرر مصراوي - قرر رئيس جامعة الازهر الدكتور أحمد الطيب قبول الطلاب الحاصلين على مؤهلات عليا من الجامعات المصرية المسبوقة بالثانوية العامة بنظام الانتساب على ان يكون قبولهم بالكليات الشرعية بالجامعة وفقا لعدة ضوابط .
وأوضح رئيس جامعة الازهر - فى تصريح لوكالة انباء الشرق الاوسط الاثنين - أن هذه الضوابط تتضمن اجتياز الطالب امتحان المعادلة بالثانوية الازهرية الذى تعقده الجامعة وذلك فى محتويات مقررات المرحلة الثانوية الازهرية فى المواد الشرعية والعربية والدينية وهى القرآن الكريم والتفسير والتوحيد والحديث والفقه والنحو والصرف والبلاغة والادب والنصوص.
وأضاف الدكتور الطيب أنه تقرر أن يتم التقدم بطلبات الالتحاق لامتحان المعادلة لهذا العام اعتبارا من يوم الثلاثاء 15 يوليو المقبل ولمدة اسبوعين على أن يعقد امتحان يوم السبت 16 اغسطس القادم وفق الجدول المعلن فى الكليات المقرر انعقاد الامتحان بها ويعقد الامتحان للبنين بكلية أصول الدين بالقاهرة وبالنسبة للبنات بكلية الدراسات الاسلامية للبنات بالقاهرة .
واشار الى أن الطالب يجب ان يستوفى بيانات الطلب المعد لدخول الامتحان ويرفق به أصل شهادة المؤهل الدراسى الحاصل عليه وصورة من بطاقة الرقم القومى وشهادة الثانوية العامة وأصل شهادة الميلاد أو مستخرج رسمى منها وصورة مما يفيد تأدية الخدمة العسكرية أو الاعفاء منها نهائيا وأصل سداد الرسوم المقررة لدخول الامتحان.
وقال رئيس جامعة الازهر الدكتور احمد الطيب إن نائب رئيس الجامعة لشئون التعليم والطلاب سيصدر قرارا بتشكيل لجنة تلقى طلبات الراغبين فى دخول امتحان المعادلة على أن يكون مقرها مركزيا بالادارة العامة لشئون التعليم.
وأشار الى أن الطالب الذى يجتاز الامتحان بنجاح يقيد بنظام الانتساب باحدى الكليات التى يسرى عليها نظام الانتساب وهى كليات أصول الدين بالقاهرة والاقاليم واللغة العربية بالقاهرة والاقاليم للشعبة العامة فقط والشريعة والقانون شعبة الشريعة الاسلامية بالقاهرة والاقاليم والدراسات الاسلامية والعربية بنين بالقاهرة فيما عدا الشعب والكليات التى لا يسرى عليها نظام الانتساب ولا يقيد الطالب بنظام الانتساب بالكلية الا بعد سداد المصروفات الدراسية ويلتزم بسدادها طوال فترة الدراسة.
كما أصدر رئيس جامعة الازهر قرارا بتشكيل لجنة من مختلف التخصصات بمعرفة عمداء الكليات التى يتم قبول طلاب الانتساب بها تكون مهمتها اعداد امتحان تحقيقا للمعادلة بين الطلاب الحاصلين على مؤهلات عليا من الجامعات المصرية المسبوقة بالثانوية العامة فقط واقرانهم الحاصلين على الثانوية الازهرية وكذلك أعمال التصحيح والاشراف على أعمال المراقبة وإعلان النتيجة بعد اعتمادها من رئيس الجامعة.
المصدر: وكالة انباء الشرق الاوسط.

الصدقه

وصلتني بالايميل
واظنها مناسبه للتدوينه السابقه

أيّ مــن هــذه تـريــد ؟

هل تريد البرهان على صحة الإيمان ؟
عليك بالصدقة .....
قال صلى الله عليه وسلم ... 'والصدقة برهان'

************ ********* ********* *********
هل تريد الشفاء من الأمراض ؟
عليك بالصدقة .....
قال صلى الله عليه وسلم ... ' داووا مرضاكم بالصدقة '

************ ********* ********* *********
هل تريد أن يظلك الله يوم لا ظل إلا ظله ؟
عليك بالصدقة .....
قال صلى الله عليه وسلم ... 'كل امرئ في ظل صدقته حتى يُفصل بين الناس'

************ ********* ********* *********
هل تريد أن تطفيء غضب الرب ؟
عليك بالصدقة .....
قال صلى الله عليه وسلم ... ' صدقة السر تطفيء غضب الرب'

************ ********* ********* *********
هل تريد محبة الله عز وجل ؟
عليك بالصدقة .....
قال صلى الله عليه وسلم ... 'أحب الأعمال الى الله عز و جل سرور تدخله على مسلم , أو تكشف عنه كربة , أو تقضي عنه دينا , أو تطرد عنه جوعا , ولأن أمشي مع أخي في حاجه أحب إلي من أن اعتكف في هذا المسجد شهر'

************ ********* ********* *********
هل تريد الرزق ونزول البركات ؟
عليك بالصدقة .....
قال الله تعالى ... ' يمحق الله الربا ويربي الصدقات '

************ ********* ********* *********
هل تريد الحصول على البر والتقوى ؟
عليك بالصدقة .....
قال الله تعالى ... ' لن تنالو البر حتى تنفقوا مما تحبون وما تنقوا من شيء فإن الله به عليم '

************ ********* ********* *********
هل تريد أن تفتح لك أبواب الرحمة ؟
عليك بالصدقة .....
قال صلى الله عليه وسلم ... ' ارحموا تُرحموا ، الراحمون يرحمهم الرحمن ، ارحموا من في الأرض يرحمكم من في السماء '

************ ********* ********* *********
هل تريد أن يأتيك الثواب وأنت في قبرك ؟
عليك بالصدقة .....
قال صلى الله عليه وسلم ... 'إذا مات الإنسان انقطع عمله إلا من ثلاثة: ـ وذكر منها ـ صدقة جارية'

************ ********* ********* *********
هل تريد إطفاء خطاياك وتكفير ذنوبك ؟
عليك بالصدقة .....
قال صلى الله عليه وسلم ... 'الصوم جنة , والصدقة تطفيء الخطيئة كما يطفيء الماء النار '

************ ********* ********* *********
هل تريد أن تقي نفسك مصارع السوء ؟
عليك بالصدقة .....
قال صلى الله عليه وسلم ... 'صنائع المعروف تقي مصارع السوء'

************ ********* ********* *********
هل تريد أن تطهر نفسك وتزكيها ؟
عليك بالصدقة .....
قال الله تعالى ... ' خذ من أموالهم صدقة تطهرهم وتزكيهم بها '

************ ********* ********* *********
قال صلى الله عليه وسلم ...
ثلاث أحلف عليهن وذكر منهن: ' ما نقص مال من صدقة '
وقال أيضاً: ' اتقوا النار ولو بشق تمرة '
أخيرا'قل لي.. ماذا تريد !!؟؟

ارزاق

خلق الله تعالى الارض وقدر فيها اقواتها بما يكفي ساكنيها ولكن لم يعط كلا قدر حاجته وانما اعطى البعض اكثر مما يحتاج واعطى اخرين اقل منحاجته ليختبر بعضهم ببعض وليفتتن بعضهم ببعض

وفرض على من اوتي فضل قوت ان يبحث عمن يحتاج او قل يبحث عن صاحب هذا الفضل من القوت فيرده اليه ومدح من قدر عليه رزقه فصبر ولم يسأل الناس الحافا

ولذلك كان من رزق قوت يومه دون زيادة او نقصان قد حاز الدنيا بحذافيرها

فلما اوتيت الانفس الشح فلم تكبحه وزين لها حب القناطير المقنطرة من الذهب والفضه فلهثت ورائها, رسبت في الاختبار وكان عقابها ان حمي على ما كنزت وكوت به جباههم وظهورهم وعيروا بها ايضا

كان من الصحابه من هم اصحاب مال كثير وتجاره رائجة ولكن لم تلههم تجارتهم عن ذكر الله واقام الصلاة, حتى ان الفقراء ذهبوا الى رسول الله يشكون له "ذهب اهل الدثور بالاجور"
اي ان اصحاب المال اخذوا كل الحسنات

ارى حولي عددا ليس بالقليل ممن يظهر عليهم سمت الصلاح او يقتدون بالسلف في المظر ويبدوا عليهم ايضا سمت الثراء ولكن عدد الفقراء يوحي انهم لم يقتدوا بالسلف بالقدر الكافي حتى يقال عنهم انهم ذهبوا بالاجور كما فعل اسلافهم

منحة ام محنة

يا ريس الناس اندينت عشان تدفع المنحة

اضراب

وانا نازل الشغل انهارده كنت ممنى نفسي بالاستمتاع بالمواصلات
ولكن لا تأتي الرياح بما تشتهي السفن

قلت في نفسي هي الناس اضربت عن الاضراب ولا قرروا يشتغلوا بزمه بعد العلاوة الرهيبه اللي هزت ميزانيه البلد

عموما انا ما كنتش مقتنع من الاول بفكرة الاضراب قصدي الاضراب في مصر مش الاضراب عموما خصوصا لو كان الاضراب لمده يوم واحد وبعد اسبوع اجازات

يمكن تكون فكرتي عن الاضراب مختلفه عن الناس اللى كانت بتدعوا ليه عشان كده احب اوضح فكرتي ولو حد شايفها غلط يصححلي

اللي بيعمل اضراب ده راجل مطحون ومظلوم طبعا بعد ما عمل اللى عليه على اكمل وجه وما عدش في ايده حيله غير انه يدفع الناس دفعا الى الوقوف في صفه فـبيلجا الى الضراب عشان يلفت انظار ناس ممكن ما يكونش ليها في المشكله الاصليه بس بالتاكيد هيكون ليها مصلحه انها تساعده

يعني اللي بيضرب عن الطعام عارف ان في ناس هتتصيت على حس مساعدته عشان كده بيجوع وهو في بطنه بطيخه صيفي
اللي بيضرب عن العمل عارف ان في ناس مصالحها هتتعطل واكيد هتقف جنبه عشان حل مشاكله هيفيد مصالحها

تفتكروا عطلة الموظفيين المصريين هيأثر على مين خصوصا ان انت بتتكلم في يوم واحد
في كل الاحوال مصالح الناس متعطله باضراب او من غيره
الحاجه اللي محتاجه ساعه بتستنى شهور
الناس نفسها مش مستعجله
"يا عم قول يا باسط اللى ميخلص انهارده يخلص بكره"
دي من الاقوال المأثورة عند المصريين

الوضع في المحله كان مختلف
انت بتتكلم في مصنع ومكن داير بياكل ويشرب يعني بيصرف
وكمان العمال قعدوا مضربين قد ايه

في المانيا عمال السكه الحديد عملوا اضراب
بس خلي بالك هما ما توقفوش عن العمل نهائيا لا
بدل ما يقف في المحطة دقيقه وقف عشر دقائق
طبعا كانوا مبلغين تفاصيل الاضراب لان تراكم التأخيرات ممكن يسبب كوارث
يعني في شغل زياده حصل علشان تنظيم حركة القطارات لتتناسب مع المواعيد الجديده

يدخل القطار المحطة ينزل السائق والمحصلين يقفوا على الرصيف يرفعوا لافتات فيها مطالبهم لمدة عشر دقائق ويرجعوا يركبوا تاني

في المحطات الكبيره المده بتزيد شويه وشغل السائق والمحصلين بيزيد كمان
بيلفوا بزجاجات مياه على كبار السن

لاحظ ان حركة القطارات لم تتوقف تماما انما اصابها بعض الخلل في المواعيد
لكن النتائج كانت مذهلة ذلك ان تأثير هذا الخلل كان كبيرا
وبالتالي كان صدى الاضراب كبير ومدوي

فهل اضراب يوم عن العمل في مصر يكون له اي دوي؟
او فلنقل ماذا علينا ان نفعل كي يكون الاضراب له صوت؟

جراند حياة بلا خمور

اعلنت ادارة فندق جراند حياة بالقاهرة الامتناع نهائيا عن تقديم الخمر والفندق حاليا بصدد اعدام خمرو ب 8 مليون جنيه
حاجه تفرح مش كده
مصدر الخبر موقع محييط
http://www.moheet.com/show_news.aspx?nid=119652&pg=1

طبعا الخبر قال كلام يزعل عن الازهر والحكومه المصريه

بس مش مهم المهم ان انا فرحان بالخبر

فلنحيي سنه

ماذا تفعل اول شئ اذا دخلت بيتك؟


كان اول شئ يفعله رسل الله صلى الله عليه وسلم اذا دخل بيته ان يستاك


ورد في صحيح مسلم
حَدَّثَنَا أَبُو كُرَيْبٍ مُحَمَّدُ بْنُ الْعَلاَءِ، حَدَّثَنَا ابْنُ بِشْرٍ، عَنْ مِسْعَرٍ، عَنِ الْمِقْدَامِ بْنِ شُرَيْحٍ، عَنْ أَبِيهِ قَالَ:سَأَلْتُ عَائِشَةَ، قُلْتُ: بِأَيِّ شَيْءٍ كَانَ يَبْدَأُ النَّبِيُّ -صَلَّى اللهُ عَلَيْهِ وَسَلَّمَ- إِذَا دَخَلَ بَيْتَهُ؟قَالَتْ: بِالسِّوَاكِ.


سهله مش كده
بس ثوابها عظيم


وكما تعلمنا من سن في الإسلام سنة حسنة فله أجرها وأجر من عمل بها من بعده من غير أن ينقص من أجورهم شيء
وتعلمنا ايضا ان احياء سنه يميت بدعه


واظن والله اعلم ان استعمال الفرشاة والمعجون بنية السواك يجزئ

مولد النبي ................................ والنبي

نرى القاهرة من حولنا وقد تزينت واقيمت السرادقات استعدادا لموسم بيع الحلوى المسمى رسميا
"المولد النبوي الشريف"

حقيقة كثير من اهل العلم حرم الاحتفال بالمولد النبوي
منهم من حرم صورة الاحتفال
ومنهم من حرم الاحتفال في موعد محدد
ومنهم من حرم الاحتفال مطلقا
وكل له ادلته التي يستند عليها ويراها قاطعة

لست الان بصدد مناقشة الادله ولا الفتاوى ولكني احزن لاستغلال العامة
هذه الايام حقيقة هي موسم لتجارة الحلوى ولكن الم يجد التجار دعاية افضل من الاحتفال بمولد المصطفى
هذا وان دل على شئ فانما يدل على حب هذا الشعب لنبيه الكريم
والمطلوب منا ان نوجه هذا الحب الى اتجاهه الصحيح

ورد في صحيح مسلم أن رسول الله صلى الله عليه وسلم سئل عن صوم الاثنين ؟ فقال " فيه ولدت . وفيه أنزل علي "
اي ان رسول الله صلى الله عليه وسلم قد احتفل بمولده بصيام يوم الاثنين من كل اسبوع
ربما يفهم احدهم ان الاحتفال بمولد النبي جائز على الاطلاق
ويفهم اخر ان الاحتفال بمولد النبي انما يكون بالصيام
ويفهم اخر ان الاحتفال بمولد النبي كل اسبوع وليس كل عام
واخر يقول ان كل فرد يصوم اليوم الذي ولد فيه من كل اسبوع
(جديده دي مش كده - يا رب ما تكونش ضلاله)

مش مهم كل الاراء دي
اللي انا عايز اقوله ان في ناس ما شاء الله عليهم مواظبين على صيام الاثنين والخميس وما يفوتوش ولا اسبوع
ليه الناس دي ما تعلنش انها بتصوم الاثنين احفالا بمولد النبي
وتنتشر الثقافة دي شويه شويه بين الناس حتى تطغى على البدعه وتقلل تأثيرها في نفوس الناس
لو الناس شافت انها بتحتفل بالنبي كل اسبوع هيفتر في نفوسهم الاحتفال السنوي سواء كان بطريقه صحيحة او خاطئة

ملحوظة مهمة:
كلمة والنبي في العنوان ليست قسما وانما هي لفظة اعتراض عامية مصرية تنطق
"وي الناااااااابيي"
وتعني انت فاكرني هندي

من كان حالفا فليحلف بالله أو ليصمت

كوسوفو

هل انتهت الاحزان ؟ ام عادت؟

http://news.filbalad.com//News.asp?NewsID=23605
http://www.moheet.com/show_news.aspx?nid=89994&pg=1
http://edition.cnn.com/2008/WORLD/europe/02/17/kosovo.independence/index.html
http://news.yahoo.com/s/ap/20080218/ap_on_re_eu/kosovo_independence;_ylt=ArehTZKVidS7fTffU4mwr2x0bBAF

وضع يد

اتعودنا في بلادنا على القوانين سيئة السمعة او القوانين المخرمة من ابر الترزية

ومع ذلك دايمان القانون كان يبقى ظاهره فيه الرحمة

الا قانون مش شايف فيه اي رحمة الا رحمة بالنصابين والبلطجية البلطجيه الكبار بتوع الاراضي

وهو قانون وضع اليد

القانون باختصار ينص على احقية تملك الارض لمن اثبت حيازتها لمده 5 سنين بدون منازعه من احد او 15 سنه في حالة المنازعات

ومحدش يقولي الرسول قال من احيا مواتا فهي له

عشان القانون ده مالوش علاقه لا باستصلاح الارض ولا استغلالها باي شكل المهم الحيازه

المصيبة بقى اللى تفئع بجد لما الاغراب كمان يبقى ليهم حق التملك بالطريقة دي

الاعلان ده منشور في الاهرام يوم الاحد 27/1/2007

بيقول ان سفير الكويت الاسبق شاري 100 فدان متسجلين باسمه وواضع يده على 20 فدان جاري تسجيلهم ان شاء الله

وطبعا ما حدش واخد باله او مطنشين لحد ما نلاقي واحد اسرائيلي واضع يده على 300 فدان ورايح يسجلهم وساعتها نتنفض ونترعب ونقول اوعى حوش حلق

زي ما حصل في موضوع الهجرة

الناس كلها طفشانه وهربانه من البلد ومحدش اتكلم الا لما شافوا واحد مصري واخد ميداليه دهب لاسرائيل في الاوليمبياد

بالله عليكوا مش حاجه تفئع

اللهم عليك باليهود ومن هاودهم

الصور منقولة

بيت ولا مصنع في الصحرا؟

ناس كتير نزلت شغلها يو السابع من يناير
منهم للي نزل علشان يخالف المحتفلين باليوم
ومنهم اللي بدل اليوم باليوم اللي قبله عشان ياخد اجازه طويله
زمنهم اللي نزل عشان شغله محتاج
عموما دا مش موضوعنا
موضوعنا ان اللي نازل شاف قاهرة جميله جدا
مواصلات رايقه وشوارع سلسه لابعد حد
رغم ان عدد سكان القاهرة ما اتغيرش اللي اتغير هو عدد الناس اللي رايحه شغلها

يعني مشاكل مرور القاهرة مش ناتجه من مشاكل السكان او على الاقل زيادة سكان القاهرة ليها النصيب الاقل من مشاكل مرور القاهرة
المشكلة الاساسية هي تمركز العمالة او تمركز فرص العمل في القاهرة

انا فاكر ايام حادث قطارات قليوب قالوا مش عارف كام مليون بيدخلوا القاهرة صباحا ويخرجوا منها مساءا في نفس اليوم
يعني مشكلة القاهرة هي مشكلة مركزية العاصمة
كل فرص العمل تلاقيها في القاهرة

طب امال المجتمعات العمرانية الجديدة لازمتها ايه
اهي دي بقى كارثه لوحدها
اللى راح المجتمعات العمرانية الجديدة (القاهرة الجديدة الشروق الرحاب) هيلاقي مكان جميل جدا يعيش فيه
لكن برضه هيرجع يشتغل في قلب القاهرة
والنتيجة طرق جديدة مكدسة

ليه المدن دي ما اتعملتش على غرار مدن اتعملت قبل كده (اكتوبر والعاشر والعبور) اقصد تتقسم لى منطقة صناعية ومنطقة سكنية
دا فعلا هو الحل الحقيقي لمشكلة القاهرة المستعصية
نقل العمالة خارج القاهرة مش نقل السكان

اظاهر الناس اللي عملت المدن الجديدة القديمة (حلوة الجديدة القديمة دي) كانوا عايزين يحلوا المشكلة لاكن اللي بيعملوا مدن جديدة دلوقت عايزين يبيعوا وخلاص

مش كدا ولا ايه