العاصمة الملحقة

لو كنت وزير التخطيط العمراني
كنت كلفت احدى كليات الهندسة في احدى الجامعات المصرية العريقة
بالتخطيط والتنفيذ لمشروع العاصمة الملحقة
يتلخص المشروع في الاتي
انشاء مدينة في صحراء مصر المترامية الاطراف
ليس لهذه المدينة اي حدود مشتركة مع القاهرة حتى لا تعتبر امتداد لها وبالتالي يعتبرها الناس مكان محدوف
ربط المدينة الجديدة بالقاهرة ربط مباشر بطرق المواصلات العادية وكذلك وسائل الاتصالات الحديثة
انتزاع نصف الوزارات والهيئات الحكومية الموجودة حاليا في القاهرة ووضعها في هذه المدينة وذلك لتقليل عدد النازحين يوميا من الاقاليم الى القاهرة وهم غالبا من العاملين بدوواوين الوزارات او بالهيئات التابعة لها وكذلك تقليل عدد الوزراء المقيمين بالقاهرة والتي تسبب تنقلاتهم اختناقات مرورية

لو ده اتعمل مشروع تخرج واحد اشترك فيه كل طلبة قسم تخطيط ومدني وعمارة انا متأكد انهم هيعملوا مدينة مثالية وفي نفس الوفت هيتعلموا كتيير جدا هما والمعيدين والدكاترة ونحل جزء من مشكلة المركزية اللي خلت القاهرة تئن من ساكنيها

افواه مفزوعة

جزء من مقال فهمي هويدي بعنوان
"ســــــباحـة مؤقتــة ضـــد التيـــــــار"

......
في إعلامنا الآن‏'‏ مكارثية‏'‏ جديدة علي حد قول زميلنا خيري رمضان ـ تصم كل من يختلف في الرأي أما بأنه‏'‏ أخواني‏'‏ أو أمن‏.‏ والهدف من ذلك هو أثاره حالة من الفزع تكمم الأفواه ولا تجعلنا نسمع إلا صوتا واحدا‏.‏ هذه العبارة ليست من عندي ولكنها وردت في تعليق كتبه زميلنا الاستاذ خيري رمضان‏_‏ وهو أحد الناقدين للإخوان‏_‏ في صحيفة‏'‏ مصر اليوم‏'_(‏ عدد‏16/1)‏ وقد خلص إليها بعد أن روي القصة التالية‏:‏ ذات يوم نشرت إحدي الصحف تصريحات مثيرة وصادمة لنائب مرشد الأخوان الدكتور محمد حبيب حول الأقباط واستنساخ التجربة الإيرانية في مصر‏.‏

لكنه نفي تلك التصريحات في برنامج تليفزيوني‏.‏ وفي يوم تال استضاف التليفزيون المصري رئيس تحرير الصحيفة المذكورة ومحرره ادعت أن الكلام الذي تم نفيه مسجل علي شريط لديها‏.‏ وحين تمت إذاعة بعض مقاطع م التسجيل‏_‏ والكلام لخيري رمضان‏_‏ كانت المفاجأة أن الرجل لم يقل الكلام الذي نسب إليه وبدا حريصا جدا في تصريحاته‏.‏ المفاجأة الأكبر‏_‏ أضاف زميلنا‏_‏ أن الجميع تجاهلوا ما جاء علي لسان الرجل‏.‏ وتعاملوا مع ما نشر علي أنه الحقيقة الكاملة‏.‏ أما الأغرب فأن المشاركين في البرنامج لم يتوقفوا و استمروا في الهجوم علي آراء الدكتور حبيب التي لم يقلها‏!‏
.....

اتز توو لات

بعد ما قريت مدونة طي المتصل عن برنامج الأمم المتحدة للتنمية البيئية اللى بيهدف لزراعة بليون شجرة

افتكرت حديث الرسول صلى الله عليه وسلم
"اذا قامت الساعة وفي يد احدكم فسيلة فليغرسها"

وعلى طول تخيلت حالنا في المواقف اللى زي دي والكلمة اللي دايما بنقولها
الاسلام سبقهم بالف وربعمييييييييت سنه ونادي بالموضوع

كل حاجة يعملها الغرب نهلل ونهيص ونقول الاسلام نادى بيها قبلكم

ال يعني ايه ما تفتكروش نفسكوا جبنتوا التايهة, ياخي جتكوا وكسة
ولما الاسلام من 1400 سنة نادى بحقوق الانسان
ما عرفتوش حقوق الانسان الا لما اتكلم عليها الغرب

ومعرفتوش حقوق الحيوان الا لما اتكلم عليها الغرب

ومعرفتوش حقوق النبات الا لما اتكلم عليها الغرب

وجالكوا الطرش لما كان الاسلام بينادي زي ما يكون في موقف مكروباس من 1400 سنة

على رأي محمد صبحي في مسرحية ماما امريكا دايما بنيجي في الاتز توو لات

المشروع ده ممتاز وانا بادعوا كل الناس تساهم فيه

وبدعوا الناس كمان انها تدور في الاسلام
يا ترى الاسلام بينادي بايه من 1400 سنة واحنا مش سامعينه
يا ترى الاسلام بينادي بايه من 1400 سنه مش هنعرفه الا لما الغرب ينادي بيه
اللي عنده حاجة يقول عليها يمكن مرة نسبق الغرب
مين عارف

الف مبروووك

بمناسبة العام الجديد وعيد الاضحى المبارك يسعدني ان ازف اليكم خبر رحيل اسرائيل عن الاراضي التي احتلتها في المنطقة
طبعا انا لم اقرأ الخبر صراحة في اي من وكالات الاناء
ولا في اي قناة اخبارية من القنوات العملاقة

لكن طبعا الموضوع مش محتاج نباهه

سهل قوي انك تقرا اللى بين السطور

الصراع في فلسطين بين حماس وفتح
الصراع في لبنان بين السنيورة وحسن نصر الله

يبقى سهل جدا تستنتج ان اسرائيل لم تعد محتل لأي من الاراضي العربية

مش كدا ولا ايه