فكرة كداا

كل ما اسمع عن موضوع البطالة او تيجي سيرته في اي مكان اول حاجه يروح ليها بالي اكوام الزبالة اللي مالية الشوارع ومحطات الاتوبيس والرائحة النفاذة اللي تحت الكباري

انا ما بقولش طبعا ان العاطلين دول يشتغلوا عمال نظافة لا سمح الله
طب ازاي بس احفاد الفراعنه اللي طردوا الهكسوس ووقفوا زحف التتار وانتصروا على اليهود يشتغلوا زبالين وكناسين في الشوارع
لأ طبعا ما يصحش حتى لو كانوا هما اللي مزبلين الدنيا حواليهم كده
لأ طبعا حتى لو كانوا عاطلين من غير شغل

انا رأي ان احنا نجيب خدمات فلبينيات يشتغلوا عمال نظافة
تخيل لما تنزل الصبح تروح شغلك تصبح بواحده فلبينيه بتسيق الشارع اللي انت ساكن فيه

واحد يقولي طب هندفعلهم منيين, هنا بقي تيجي الفكرة الجامد
احنا نبيع العواطليه اللي مليين القهاوي دول
ودي بقى ليها فوايد كتيييير جدا
1- خلاص ما فيش بطاله بعد كده
2 - عمله صعبه هتخش للبلد
3 - الحكومة هتاخد عمولة على عملية البيع
4 - الحكومة هتاخد ضرايب على المبيعات
5 - الحكومة هتاخد اقامة من الفلبينيات
6 - هتلاقي مكان بسهولة على القهوة عشان تتفرج على متش الاهلي والزمالك

المواصفات القياسية

اي منتج صناعي من الابرة للصاروخ له مواصفات قياسية وبقياس مدي تطابق المنتج مع المواصفات القياسية لنوعية يتم تحديد مدي جودة المنتج

ومن هذا المبدأ ظهرت الحاجة لفريق مراقبة الجودة
وعلى الرغم من ان فريق مراقبة الجودة عادة ما يكون مكروها من المهندسين ومن العاملين في خطوط الانتاج المختلفة
الا اننا نعترف بان مدى صرامة هذا الفريق هو عامل اساسي في انتاج منتج جيد منافس قادر على الاستمرار في السوق ومن ثم ترقية نفسه وسعره يوما بعد يوم

ياترى الادب والثقافة والفن ليهم هما كمان مواصفات قياسية

يعني في مجموعة قواعد تحكم الاعمال الادبية والفنية وعلى اساسها نقدر نقول العمل ده جيد بنسبة كام في المية

انا طبعا لست ناقدا ادبيا ولا عمري في حياتي قريت كتاب واحد في النقد الادبي
لكن انا تخيلي ان النقد الادبي هو المقابل لمراقبة الجوده في العمليات الصناعية

زمان كنا نسمع ان الشعر لازم يكون له وزن وقافية وعشان كده كان تقديم الصورة الجمالية مقيده بالوزن والقافية فعلا كان قمة الابداع والفن والعبقرية

لكن لما طلع انواع من الشعر لا تتقيد بوزن ولا قافية كانت النتيجة هيصة والحجة ااال ايه حتى لا نقتل الابداع

انا شايف ان قلة الضوابط تقلل الابداع

حاجة ساقعة بيبس ايوه بيبسي

الى كل طوائف المسلمين

الى السنة والشيعة والسلفيين والصوفية وانصار السنة المحمدية والزيدية والقرانيين
الى كل من انتسب الى طائفة تدعي العمل بالاسلام

اذكركم بقول الحق سبحانه وتعالى في الاية 113 من سورة البقرة

وَقَالَتِ الْيَهُودُ لَيْسَتِ النَّصَارَى عَلَىَ شَيْءٍ وَقَالَتِ النَّصَارَى
لَيْسَتِ الْيَهُودُ عَلَى شَيْءٍ وَهُمْ يَتْلُونَ الْكِتَابَ كَذَلِكَ قَالَ
الَّذِينَ لاَ يَعْلَمُونَ مِثْلَ قَوْلِهِمْ فَاللّهُ يَحْكُمُ بَيْنَهُمْ يَوْمَ الْقِيَامَةِ
فِيمَا كَانُواْ فِيهِ يَخْتَلِفُونَ