كل ما اسمع عن موضوع البطالة او تيجي سيرته في اي مكان اول حاجه يروح ليها بالي اكوام الزبالة اللي مالية الشوارع ومحطات الاتوبيس والرائحة النفاذة اللي تحت الكباري
انا ما بقولش طبعا ان العاطلين دول يشتغلوا عمال نظافة لا سمح الله
طب ازاي بس احفاد الفراعنه اللي طردوا الهكسوس ووقفوا زحف التتار وانتصروا على اليهود يشتغلوا زبالين وكناسين في الشوارع
لأ طبعا ما يصحش حتى لو كانوا هما اللي مزبلين الدنيا حواليهم كده
لأ طبعا حتى لو كانوا عاطلين من غير شغل
انا رأي ان احنا نجيب خدمات فلبينيات يشتغلوا عمال نظافة
تخيل لما تنزل الصبح تروح شغلك تصبح بواحده فلبينيه بتسيق الشارع اللي انت ساكن فيه
واحد يقولي طب هندفعلهم منيين, هنا بقي تيجي الفكرة الجامد
احنا نبيع العواطليه اللي مليين القهاوي دول
ودي بقى ليها فوايد كتيييير جدا
1- خلاص ما فيش بطاله بعد كده
2 - عمله صعبه هتخش للبلد
3 - الحكومة هتاخد عمولة على عملية البيع
4 - الحكومة هتاخد ضرايب على المبيعات
5 - الحكومة هتاخد اقامة من الفلبينيات
6 - هتلاقي مكان بسهولة على القهوة عشان تتفرج على متش الاهلي والزمالك
4 comments:
مهندس مسلم
طبعا الموقف محير
ان يكون العاطلين هم من حملة المؤهلات العليا او حتى المتوسطة او ما فوقها
اعرف حارس امنى خريج هندسة يمزق قلبى بنظراته لكنه فى النهاية يعمل فى زمن عز فيه العمل
المهم طيب ليه مش حل اوقع ان العاطلين دول يقوموا بنصب سلات قمامة وتسبيتها فى اماكن مختلفة بطريقة يصعب سرقتها ولو ان ده صعب قوى
لكن الموضوع له شقين
شق تربوى ان يظل الشخص يحترم المكان فلا يلقى القمامة فى الطريق لانه تربى على ذلك واغلب الشعب المصرى الحمد لله لم يتربى على ذلك
الشق التانى انه بالفعل البقية التى تربت على ذلك لا تجد مكان للقمامة
ايعقل ان تمشى شارع كامل تحمل فى يدك ورقة حتى تعثر على مكان تلقيها فيه
القمامة تتجمع لعدم وجود اماكن وده احد الاسباب
السبب الوجيه قوى هو استخسار المواطن المصرى 3 جنيهات حق الزبال
خرجت عن الموضوع الاساسى وهو استغلال البطالة ويوجد مليون طريقة لكن لمن يرضى بها دون ان يحمل شهادته على صدره قائلا مستحيل انا معايا بكالريوس مقدرش اعمل كده فى الحالة دى الفلبينيات احسن ونكمل الاستفادة من الفكرة بتاعتك
تحياتى
عزيزتي توتا
كلام جميل كلام معقول مقدرش اقول حاجة عنه
المصيبة الاكبر انه لو مافيش في جيبه غير الـ 3 جنيهات دول ممكن يدفعهم تمن سيجارة وميفكرش هيعشي عياله ايه
(دي كمان بره الموضوع)
شكرا على المرور
احنا كده كده بنتباع وبتمن رخيص اوي يعني مش شرط نتباع بالضبط زي ما نت اقترحت بس مجرد ان حياتنا ملهاش معنى عند حكومتنا "الرشيدة" واللي ما بتصدق تخلص مننا في اي حادثة او تسيب لنا الزبالة عشان تجيبلنا العيا .. المهم نموت في الاخر .. أو نتباع
عزيزتي شمس
نورتي المدونه
علشان كده انا بعتبر فكرتي حاجه جديده
Post a Comment