نظرا للمجهود العظيم الذي بذلته السلطة التنفيذية في مصر المحروسه طوال الربع قرن الماضي
وقدرتها العظيمة على العبور بالبلاد الى الالفية التالته رغم الحمل التقيل اللي مسببه الشعب اللي شابط في ديلها
فقد قرر رئيس الجمهورية مكافئتها وتحريرها من السلطة القضائية اللي كانت كابسه على نفسها
طبقا لقانون مكافحة الارهاب الجديد يحق للشرطة القبض على من يرونهم متهمين دون اذن من النيابة
يعني زوار الفجر بالدستور
والاعتقال دون محاكمه بالدستور
والاعتقال رغم حكم البراءة برضه بالدستور
وقريبا ان شاء الله السلطة القضائية هتخضع للسلطة التنفيذية
هو بس اللي واقف في الموضوع نادي القضاة اول ما نتخلص منه وزير العدل هيحكم قبضته على القضاة وتبقى السلطة التنفيذية مسيطرة على السلطة القضائية
هي دي مصر يا ولاد
مبروك علينا الدستور الجديد
وعجبي
Subscribe to:
Post Comments (Atom)
2 comments:
المهندس
يا عزيزى والباقى نسيته ليه
الريس من حقه يحل المجلس كده بلمح البصر بعد ما الناس تتعب وتنتخب وترشح نفسها برغم انهم فى الحقيقة بعد التصويت ما يستحقوش يبقوا فى المجلس
تفتكر ليه البند ده ؟ لو حد معحبوش او الكلام مجاش على مزاجه هو واسرته يحل المجلس كله
وقانون الطوارئ اللى بيدى الحق لكلاب الشرطة انهم يقتلو مواطن لمرض التشكك فى كونه ارهابى ناهيك عن انه يقتحم بيته وينتهك امنه ويتصنت على خصوصياته تحت بند من بنود الدستور
الحقيقة ان البنود ما هى الا انتهاكات جديدة بتقدمها الحكومة للشعب لزيادة السخرة
ناقص بقى الكرباج علشان صورة السخرة تكمل
بس اكيد كل ليل وله اخر
اللي غايظني اكتر اليفط اللى معلقها الحزب الوطني في كل مكان
من نوعية قول نعم من اجل الحرية قول نعم من اجل حقنا في اختيار رئيسنا
يمكن نا تعود على الحزب الوطني
وبعدين مش المفروض التعديلات دي تتنشر في الجرايد الرسمية ولا الناس هتصوت على ايه
الحكومة بتراهن على جهل الشعب
Post a Comment