تبعا للخبر ده رفضت القياده السياسية المصرية رفضا تاما مشروع انشاء جسر بري بين مصر والسعوديه فوق مضايق تيران
المشكله مش في الامكانيات ولا المصاريف ولا شركات الطيران اللي هتخسر ولا شركات الشحن الجوي ولا البحري اللي سمعتها بقت في الطين
المشكله في ازعاج هدوء شرم الشيخ وضرب السياحه
انا لا انا زعلان على الكوبري ولا على ارواح الناس اللى ماتت في العبارات ودمهم راح هدر
انا زعلان على الحجج الفاضيه اللي بيطلعولنا بيهم
قبل كده يقولولك قدمنا معاد الاستفتاء عشان الشعب مشغول بشوية اعياد
ودلوقت لغينا الطريق البري عشان السياحه ماتنضربش في شرم الشيخ
ياسيدي هات الكوبري يمين شوية شمال شويه ييييييييه دانا نيله اوي
المهم انهم يتكلمه وهما واثقين ومتأكدين ان دي اسباب حقيقيه مقنعه والناس هتصدق
حقا
ان لم تستح فافعل ما شئت
حسبي الله ونعم الوكيل
Subscribe to:
Post Comments (Atom)
4 comments:
يا اخي ولا نستطيع ان نقول
الا حسبنا الله ونعم الوكيل
جسر زي ده كان هينمي التجارة في مصر بطريقة قوية جدا
وكمان اسعار الحج كانت هترخص جدا جدا
بس يللا
حسبنا الله ونعم الوكيل
المسألة كانت أكبر من السعودية ومصر ده كان حيخلع الخابور اللي اسمه اسرائيل وتتصل المنطقة مع بعضها تاني وربما يكون هذا نواة المعركة الحاسمة
ربنا يورينا فية اسبوع
انا كنت بفكر فى الموضوع ده بعد ما قريت تدوينتك
وجت فى بالى فكرة غريبه جدا
الثغور
هو مش لكل بلد ثغور الثغور دى بتبقى ايه مش الملتقيات بتاعتا بالبلاد اللى حواليها
لو جينا نفكر الكبرى ده مش هايبقى هين يعنى هايبقى كبير جدا على اساس انه المفروض هايعدى كل او معظم اللى كان النقل البحرى بيعديه
فليه مايكونش الحكومة رفضت لان الكبرى ده هايبقى ثغر ماهو ممكن يعدى من عليه دبابات واسلحه
بجد
فكر كده تصحى من النوم يقول لك امريكا احتلت مصر ازاى يا عمنا عدوا من عالكبرى :)
مش بهزر تخيلها هاتلاقى انها حاجة واردة الحدوث جدا
Post a Comment