ناس كتير نزلت شغلها يو السابع من يناير
منهم للي نزل علشان يخالف المحتفلين باليوم
ومنهم اللي بدل اليوم باليوم اللي قبله عشان ياخد اجازه طويله
زمنهم اللي نزل عشان شغله محتاج
عموما دا مش موضوعنا
موضوعنا ان اللي نازل شاف قاهرة جميله جدا
مواصلات رايقه وشوارع سلسه لابعد حد
رغم ان عدد سكان القاهرة ما اتغيرش اللي اتغير هو عدد الناس اللي رايحه شغلها
يعني مشاكل مرور القاهرة مش ناتجه من مشاكل السكان او على الاقل زيادة سكان القاهرة ليها النصيب الاقل من مشاكل مرور القاهرة
المشكلة الاساسية هي تمركز العمالة او تمركز فرص العمل في القاهرة
انا فاكر ايام حادث قطارات قليوب قالوا مش عارف كام مليون بيدخلوا القاهرة صباحا ويخرجوا منها مساءا في نفس اليوم
يعني مشكلة القاهرة هي مشكلة مركزية العاصمة
كل فرص العمل تلاقيها في القاهرة
طب امال المجتمعات العمرانية الجديدة لازمتها ايه
اهي دي بقى كارثه لوحدها
اللى راح المجتمعات العمرانية الجديدة (القاهرة الجديدة الشروق الرحاب) هيلاقي مكان جميل جدا يعيش فيه
لكن برضه هيرجع يشتغل في قلب القاهرة
والنتيجة طرق جديدة مكدسة
ليه المدن دي ما اتعملتش على غرار مدن اتعملت قبل كده (اكتوبر والعاشر والعبور) اقصد تتقسم لى منطقة صناعية ومنطقة سكنية
دا فعلا هو الحل الحقيقي لمشكلة القاهرة المستعصية
نقل العمالة خارج القاهرة مش نقل السكان
اظاهر الناس اللي عملت المدن الجديدة القديمة (حلوة الجديدة القديمة دي) كانوا عايزين يحلوا المشكلة لاكن اللي بيعملوا مدن جديدة دلوقت عايزين يبيعوا وخلاص
مش كدا ولا ايه
Subscribe to:
Post Comments (Atom)
4 comments:
الحمد لله نحن لسنا من أهلها الذين نرثي لهم وقلوبنا معاهم ورئاتنا أيضا
باشمهندس عصفور
نعم نحن مش من اهلها
لكن مش كل الناس بتيجى لها القاهرة لحد عندها
فعلا البلد عندنا وعندكم كانت ممتعة ووسعت
تحياتى
عافى الله رئاتكم ورئات اخوانكم واهليكم واصدقائكم مما تعاني منه رئات كل من تسول له نفسه المرور في شوارع القاهرة
فعلا مشكلتنا الرئيسية هي المركزية الشديدة
حتى بعيدا عن المدن الجديدة فمحافظات مصر الأخرى مهملة فالشركات و المشروعات الكبرى كلهها تتركز في العاصمة
حتى المشروعات الترفيهية و التعليمية موجوده هنا
فما معنى وجود الجامعات الأجنبية كلها في القاهرة و ضواحيها
و ما معني وجود قرية ذكية واحدة في نفس المدينة
Post a Comment