في ناس كتير ملهاش علاقة بالهندسه بس عايشه الدور ومقنعا نفسها انهم مهندسينوالناس كمان بتساعدهم على كدهكل من ليس له علاقة بالشرطة او النيابه فهو مهندس - طبعا دول البشوات-
على فكرة انا خريج كليه الهندسة قسم نظم وحاسبات وشغال مبرمج كسيب ما شاء الله ونفسي في مرة احس بطعم كلمة مهندس
سعات كتيير بندم اني دخلت القسم ده واقول لنفسي ليه مدخلتش عمارة مانا بحب الرسم زي عنيا وكنت جايب امتياز وصفيه ورسم هندسي
دا انا حتا والدي كان مهندس معماري
وارجع اقول ماهو البرمجة برضه فن وهندسة وكانت كابسه على دماغي قوي وانا بختار
كنت حاسس ان دي المتعة الوحيده في الدنيا
افتكر قد ايه ببقى سعييد لما احل مشكله فضلت محيراني وقت طويل
غيرش بس بتوع حاسبات ومعلومات والمنح المجانيه هما اللى مضيعين علينا المتعة
الله يرحم والدي مكانش عايزني ادخل هندسه اصلا
قالي يابني الكمسري بيتقاله يا بشمهندس
اللهم ارحم أمواتنا وأموات المسلمين
Subscribe to:
Post Comments (Atom)
3 comments:
اخ و الف اخ يا معلم جيت ع الجرح بالقوى
محسوبك مهندس برضه بس شبكات مش برمجة
و دلوقتى يا باشا اى طالب فى كلية التجارة لسه مخلصش..وواقف فى سيبر بيشغل الالعاب الستراتيجى للاطفال الصغيرة ..اسمه بالصدفة برضه مهندس
اى و احد شايل سلم على كتفه و فى ايده ربطة كابلات و رايح يمد كبل توصيلة نت او دش برضه مهندس
انا ما عنديش اعتراض و خليها اوبن بوفيه يا عم و كله يتهندس براحته
بس يبقى حرام لما الشاب اللطيف اللى شايل على كتفه السلم ده يجيلى يمدلى كبل توصيلة النت يقولى يا كابتن
يعنى هل انا مثلا شكلى لاعب سلة او كورة علشان يقولى يا كابتن
و شهادة كلية الهندسة اللى عندى فى البيت دى العمل بيها ليه..اعملها صواريخ مثلا..اخرطها للبط
عامة متكتأبش خالص خالص فكلنا فى الهوا سوا
ولا تزعل نفسك يا هندزة
:)
تحياتى
انا بحييك على خفة دمك
وعجبتني اقوى فكرة البط
بس هو فين ما خلاص
على رأييك راح خلاص زمن البط!
بس انا نفسي أعرف - المطاعم الصيني اللي ماليا القاهرة واسكندرية وحريفة "بط" بيجبوه منين !!
Post a Comment