فهذا الاب يغدق العطايا الماليه والهدايا والفسح على الابناء
وهذه الام تفرط في الحنان والتدليل للابناء
ولكن هذه الصورة ليس لها اي اثر على الحياة العامة
فانت ترى اي طرفين متقابلين في اي مجال يعتمدون مبدأ
"تعالى في حضني احسن فلان ده كخه"
والمبدأ ده موجود من اول الاحزاب السياسية للفرق الدينية حتى بياعين الخضار
طب اذا كان فلان ده كخة ايه ضمني ان حضنك ما فيهوش شوك
العجيب ان الناس بتحب تستريح وتريح دماغها وتكبر الكبورة
واهي اي حاجه تتحجج بيها وخلاص
رغم اني شايف ان اللي بيتكلم بالطريقة دي في كلامه اعتراف ضمني ان هو كمان وحش
المصيبة افدح واكثر تعاظما لما تكون بين رجال الدين
نفسي اي اتنين في نقاش يبقى هدفهم يوصلوا للحق مش لتفضيل واحد على التاني
مانت لو قدامك اتنين واحد جايب 10% والتاني 11% ما التاني احسن من الاول بس الاتنين ساقطين
15 comments:
مهندس
ما تقوله هو فعلا حقيقى بل حقيقى جدا
ان يظن كل واحد انه الاحسن فى كل شىء يبدو هذا واضحا فى جميع المجالات حتى فى مجال الطب عندما تزور طبيب وتصف حالتك والدواء السابق ممكن ببساطة ان تسمع كلمة اللى كشف عليك ده ما بيفهمش حاجة
والكلمة بنسمعها فى كل المجالات فعلا وقلما تجد شخص عفيف اللسان يقول لا الحقيقة هو هايل بس يمكن الحظ ما ساعدوش او انت ما عملتش اللى طلبه منك بالحرف
نرجع نقول منشأ التصرف ده يا ترى ايه هل هو الانانية وحب الاستحواذ
هل هو سلوك يفتقر الى التهذيب
هل هو رغبة فى تدمير الاخر
هل هو سلوك تلقائى عفوى
هل هو مرض
لكن كل ما اعرفه انك تشعر بميل واحترام اكثر نحو من يترك عندك انطباع احترام الاخرين لانك تشعر فى قرارة نفسك انه بعدما تتركه لن تكون انت الاخر كلمة على طرف لسانه لانه يأبى ان يلوث لسانه باهانة الاخرين
لو يعرف كل منا ذلك لعف لسانه ولذكر محاسن غيره قبل مساؤها فما ينشر الحقد والكره الى اخطاء لسان
تحياتى
جزاك الله خيرا يا بشمهندس
مالنا نرى كلا من الفريقين يسعى كل منهم لمهاجمة الاخر واثبات خطأه ولسان حاله يقول (لن نؤمن لكم حتى تتبعوا ما معنا)
والحقيقة انه يجب على المسلم لا ان يتبع فلان ولا فلان
بل ان يتبع
قال الله...قال رسول الله...قال الصحابة والتابعون
مصيبتنااننا ابتلينا بالخلاف الذي لا ادب فيه
واصبح ولاء كثير من المسلمين للاشخاص وليس للمنهج
ففلان يمكن ان يتقبل منك ان تقول له اخطا الشافعي اخطا مالك اخطا احمد ابن حنبل
ولا يقبل منك ان تقول له أخطأ الشيخ فلان -الذي هو يتبعه-
ولا حول ولا قوة الا بالله
للأسف الشديد كثير من الناس يغلب المصلحة الفردية والعند على مصلحة الجماعة والوصول إلى الحق.
لقد كان احتلاف العلماء رحمة ولكنهم اليوم لا يسعوا إلى الوصول للحق ولا يعوا أن الحق أمانة في أعناقنهم سيسألون عنها.
والوالدين المنفصلين لا يدركوا أن عدم التفاهم والوصول إلى الحق سيدمر كلا منهم اولا قبل أن يدمر سعادتهم ومن حولهم.
ماذا سيضر الإنسان لو اعترف بخطأه أو حاول أن يتقبل الرأى والرأى الآخر.
ماذا سيضر الإنسان لو التمس لأخيه عذرا واحدا وليس السبعين.
ولكن ذلك منطبق على أبسط أمورنا الحياتية للأسف وأقرب مثال سأستعيره من مقال سابق لك وهو الصراع الدائم بين المهندسيين وفريق مراقبة الجودة!!
ربنا يرزقنا الحق واتباعه دائما.
مهندس
ليس بالضرورة ان كان هناك انفصال
يكون هناك حلو ووحش
ممكن الاتنين حلوين بس مافيش وفاق
ودا اللي لازم يصل للاولاد
توتا :
اعتقد ان السبب في الظاهرة دي هو المثل اللى بيقول خدوهم بالصوت قبل ما يغلبوكوا
لان دايما اللي بيتكلم ماعندوش حاجه يقدمها غير خواء وضعف
خالد:
اللي يفرس انك تلاقي استدلاله الوحيد هو قول هذا الشيخ وبيتكلم بثقه اكنه حاز العلم بكل فروعه وبعد ما تدور شويه في الموضوع تكتشف ان الائمة الاربعة اختلفوا في الموضوع ده وهو يقسملك ان في اجماع
مجرد قارئ :
في بعض الاراء ان الجريمة التي ادخلت ابو جهل النار هي العند
عجبتني قوي مقال سابق ليك حسستني بنفسي
رحم الله ابن الخطاب رأه عروة بن الزبير رضي الله عنهماوهو يحمل على عاتقه قربة ماء، فقال له: يا أمير المؤمنين، ألا ينبغي لك هذا. فقال: (لما أتاني الوفود سامعين مطيعين - القبائل بأمرائها وعظمائها - دخلت نفسي نخوة، فأردت أن أكسرها).
اكتب بالرصاص:
صورة الابوين المنفصلين صورة قاتمة ولها ابعاد كثيرة ان ما ارد الاشارة اليه هو رغم قتامة هذه الصورة كل طرف رأى بداخله من المحاسن التي يستطيع ايصالها لاولاده فكيف لا يرى المختلفون على تنوع صفاتهم وافكارهم الا عيوبا
شكرا لكل من علق
كلام حضرتك يا هندسة صح نسبيا في الظروف التي لا تكون الأمور فيها متمايزة إلى حق صريح وباطل باطل باطل
وليه ما ضربتش مثال باتنين ناجحين واحد جايب 80 وواحد جايب 75
في هذه الحالة يكون تشخيصك صح
أما حالة 10 و11 فدي بتلاقي فيه واحد جايب 99.99 وعمال يقول لهم يا اخوانا انتم ساقطين وهم شايفينه انه هو فاشل تقول ايه في حالة زي دي
الموضوع محتاج تفصيل وهو من المواضيع على فكرة التي أخذت بعد كبير في الفلسفة القديمة حيث كان موضوع وجود الحق المطلق من المواضيع الشائكة
ملحوظة :أنا أتكلم من الناحية النظرية أيضا يعني بدون إسقاطات على هذا الطرف أو ذاك بل أقصد نظريا يوجد حق مطلق علمه من علمه وجهله من جهله بل وأيضا يتجزأ يعني ممكن تكون أنت حق مطلق في نقطة وأنا معي حق مطلق في نقطة تانية
معلهش أصل الموضوع ده تاعبني جدا من زماااان
وعدم تحديده بيخلي العملية تسيح في بعها وكل حلو ومفيش حاجة غلط وكدة يعني
عصفور المدينه:
انا لا انكر وجود ناس على درجة 80 و75 بس مين يعرفنا انهم على هذه الدرجات
لما اللى جايب 80 ما يقولش انه جايب 80 ويتفرغ ويحط كل همه انه يثبت ان اللي جايب 75 ما هو الا كذاب مدعي وفي الحقيقة هو جايب 25 بس
والتاني يسلك نفس المنهج
للاسف دا واقع ودا اللى انا باتكلم عليه اما الامور الفلسفيه دي انا ما افهمش فيها لاني عمري ما درست فلسفه في حياتي لا في ثانوي ولا في الجامعه
ايه المانع ان صاحب 80 يستقطب الناس بالدعايه للـ 80 بتاعته بدل ما يتجه للتشويش على 75 بتاعت التاني
صح
انا قصدي كدة يعني قصدي انك كنت تضرب مثال بصح وأصح منه
مش اتنين غلط في غلط
وعلى فكرة انا مهندس كمبيوتر بس باحب اللغة والفلسفة والطبخ والطب والاقتصاد
وعايش السياسة (انا الشعب)
كلام حضرتك صح
الله ينور يا هندسة
تعرف المشكلة ايه كمان أن أحنا مش بنسمع بعض
يعني ممكن نهاتي في كلام ساعة ولا أتنين ونكتشف أن مفيش حد أستوعب كلمتين من وجهة نظر الأخر
موضوع رائع
ومقال قيم
اعجبنى فيه فهمك العميق لمعنى هذه الجملة
( لكن كل ما اعرفه انك تشعر بميل واحترام اكثر نحو من يترك عندك انطباع احترام الاخرين لانك تشعر فى قرارة نفسك انه بعدما تتركه لن تكون انت الاخر كلمة على طرف لسانه لانه يأبى ان يلوث لسانه باهانة الاخرين )
تحياتي عزيزي
فتاه عربية :
شكرا على التشجيع
بينو:
الله ينور عليك
دا صحيح عشان زي ما بقولك دماغه مشغوله بتصيد الاخطاء وليس البحث عن الحق
صاحب البوابه:
شكرا على الاطراء الجميل
واحقاقا للحق الجمله لتوتا
شكرا على المرور
السلام عليكم
كلامك يلخص فكر كبير يحتاج لنوع فعال من العلاج
جزاك الله خيرا
ختامه مسك
الاتنين ساقطين
لازم حد يلف ويشوف السبعه من جهة صاحبه هايلاقيها تمانيه
:)
للاسف
ربنا يهدي
اه صحيح في حكمة بتقول انا مش فاكره بتقول ايه بالظبط
بس انه الوحيد الذى لا يمكن ان يغلب فى نقاش
هو الجاهل
Post a Comment