طريق مصر اسكندرية الزراعي يمر بمدينة طنطا
اي مستخدم لهذا الطريق عندما يصل الى مدينة طنطا يشط انه عن طريق الخطأ تجاوز الطريق الزراعي ودخل الى احد الطرق الداخلية في المدينة
ذلك لان الطريق تم بناء جانبيه وذلك منذ زمن بعيد حتى اصبح بالفعل طريقا داخليا في المدينة
حتى ان السرعة المحددة عليه لا تتجاوز 60 كم في الساعة
هل هذا يعقل 60 كم في الساعة على طريق يربط بين المحافظات
واخيرا تم انشاء طريق بديل ياخد المار من اول مدينة طنطا مباشرة الى مدينة كفر الزيات وبذلك يعد الطريق بمثابة طريق دائري لمدينة طنطا
ولكن
تم تحديد كارتة للمرور على الطريق
وكأنك يا ايو زيد ما غازيت
طب ليه الكارته على الطريق ده
طب الطرق الصحراوية ماشي مافيش محافظة تهتم بالطريق وصيانته
طب ده طريق داخلى تابع لمحافظة الغربية
ماهو حاجة من اتنين يا اما المرسيدس غليت والمحافظ مش عارف يجدد عربيته
يا اما مش لاقي فلوس يصرف على فريق الكورة اللي صعد اخيرا للدوري الممتاز
تحديث 14 سبتمبر
اللوحة اللى مكتوب عليها اسعار الكارته اتشالت
وعلى فكرة الطريق الجديد بيوفر 5 كيلو فقط، مش مهم المهم متدخولش في الزحمة
Subscribe to:
Post Comments (Atom)
2 comments:
يا ابنى لا دة ولا دة
العبارة كلها ان الخزنة شاحة اليومين دول..قاموا يملوها من جيب الغلابة...تعالى هنا وشوف ...يوم فى الاسبوع موقفين الكمين فى طريق السرفيس الداخلى واللى بين المدن والقرى القريبة ..قال اية علشان يقفشوا كل سواق ويلبسوه غرامة محبة كدة للة فى للة...وهو حد كان قالك تشتغل فى النهار المنحوس دة؟؟ ونتعطل احنا بقا عن اشغالنا لحد ما راسى بتسيح فى الشمس من الوقفة وولا ميكروباص راضى يجازف ويقف علشان الغرامة ب 500 جنية
بقت حاجة زى الاتاوة الاسبوعية كدة يا عم الحاج على السائقين يا عينى...الواحد منهم مبقاش عارف يكفى مصاريفه ازاى زلا منين لما الحكومة بتيجى تشفطهم منه فى يوم واحد فى الاسبوع وبغرامة واحدة...والنبى تخلينا ساكتين احسن الواحد حيفرقع من الغيظ
يسعد صباحكم
عاملين اية
انا اقول لكم التايهة
الحكاية و ما فيها ان بنت المحافظ علي وش جواز و الراجل لايص يا ولداه بيجهز في العفش و الحلل و الذي منه
و قال في عقل باله لما اهبرلي قرشين من العالم اللي رايحة جاية دي
و محدش يضرب نار علشان العروسة حامل
خالص تحياتي
Post a Comment