اني احبك في الله

القارئ : مشاري راشد العفاسي

اطفال الشوارع

مشكلة طفت على السطح (اخيرا)
المشكلة قديمة ومتأصلة واعدادهم كبيرة جدا وفي كل مكان وكل حي وكل شارع
منهم اللي ملوش اهل ومنهم اللي هربان من اهله ومنهم اللى مغلوب على امره
بس كلهم بيشتركوا في الضياع
ايه الحل مش عارف
ليه بقوا كده مش عارف

لكن تفتكروا ممكن نستغلهم
يعني مثلا انا حقترح اقتراح
ايه رأيكوا لو نستخدمهم في النظافة
يعني مثلا مجموعة من شارع تجيب العيال دي تقوم بنظافة الشارع مقابل مبلغ من المال على سبيل الصدقة
او جمعية اهلية خيرية تتبنى الموضوع ده

طبعا انا عارف ان في ناس حتقول ما هما هيخدوا الفلوس يجيبوا بيها مخدرات
وناس هتقولك الجمعية اللي حتعمل كدة هيقولوا عليها بتستغل الاطفال

بصراحة انا بحاول ادور على حل ودي مجرد فكرة ربما تكون محتاجة شوية تعديلات عشان تبقى صالحة للتنفيذ

وعموما لو ما نفعتش مع اطفال الشوارع افتكر ممكن تنفع مع البطالة

خصخصة اسيوط

يوم السبت، 9 سبتمبر 2006 حدثت حادثة تصادم على طريق سريع بالقرب من اسيوط كان ضحيته 13 قتيل 10 مصابين
وبعدها بـ شهرين و5 ايام اي في يوم الثلاثاء، 14 نوٍِفمبر 2006 حدثت حادثة اخرى في طريق اسيوط - الفيوم كان ضحيته 18 قتيل و16 مصابا
ثم بعد ذلك بـ 15 يوم فقط وفي يوم الأربعاء، 29 نوٍِفمبر 2006 كانت الحادثة الثالثة في نفس المنطقة بطريق القاهرة اسيوط الغربي كان ضحيته 14 قتيل و19 مصابا

ثلاث حوادث في منطقة واحدة في اقل من ثلاث شهور اعتقد ان الحكومة هي اللي مدبرة الحوادث دي عشان تخصخص محافظة اسيوط

تحديث 5/12/2006
عشان في ناس مفهمتش الموضوع:
بعد حوادث القطارات المتكررة والكوارث اللى احنا كلنا عارفينها الناس في الميكروباسات والاتوبيسات كانت بتبرطم بشوية كلام كده، بيقولوا ايه.
بيقولك يا عم قال الحكومة هي اللى مدبرة الحوادث دي ومفبريكاها عشان تلاقي حجة تبيع بيها السكة الحديد، السكة الحديد اللى جبنا بريطانيا قعدت في مصر سبعييييين سنه عشان تعملهالنا ، وبعدين يا عم هي جديدة عليهم ماهم فضلو يخسروا عمر افندي عشان في الاخر يبيعوه برخص التراب، وما خفي كان اعظم.

خطأ في الجراءات

كتيير بنسمع عن قاتل اوتاجر مخدرات طلع براءة عشان خطأ في الاجراءات
طب يعني ايه خطأ في الاجراءات
يعني الظابط ماشفش شغله كويس
يعني الظابط معرفش يكتب محضر الضبط
يعني الظابط كتب في المحضر انه ظبط كيلو هروين وراح للنيابه نص بس
ياعني الظابط قصر في شغله او باع الهروين لحسابه
كان من المتوقع ومن الطبيعي ان اي قضيه يحكم فيها لخطأ في الاجراءات انه يتم محاسبة المخطئ
لكن ده مابيحصلش
عمرنا ما سمعنا عن ظابط خد ولا يوم واحد جزا على خطأ في الاجراءات
تخيل معايا لو كل قضيه لازم يتحكم فيها على واحد من اتنين يا اما المتهم يا اما الظابط اللى قبض عليه
تفتكروا الحال هيبقى ايه؟

سعيد بن المسيب

في خلافة عبد الملك بن مروان حصل خلاف بين سعيد بن المسيب والخليفة لتساهل الاخير في امر من امور الدين وعقد عبد الملك البيعة لابنه الوليد من بعده واراد ان يزيده تكريما فخطب له ابنة سعيد بن المسيب فرفض سعيد الخطبة كما رفض البيعة رغم كل الوساطات، فعوقب بالجلد .
كان من تلاميذه رجل يقال له ابو وداعة وكان احد الاتقياء المواظبين على تعلم الفقه وامور الدين، غاب اياما عن المسجد ففقده استاذه سعيد ث جاءه، فقال له سعيد: اين كنت؟
فاجاب ابووداعة: توفيت زوجتي فانشغلت.
فقال سعيد: هلا اخبرتنا فشهدنا جنازتها؟
ثم سأله: هل تزوجت غيرها؟
فقال: يرحمك الله ومن يزوجني ولا املك الا درهمين او ثلاثة؟
فقال: ان انا فعلت تفعل؟فأجاب: نعم
فزوجه ابنته التي رفض تزويجها الى الامير
وبينما ابووداعة يفكر في الاستدانه ليتم فرحه اذ بالباب يطرق
وعندما فتح فوجئ بسعيد فظن انه تراجع عن تزويجه، فقال له هلا ارسلت الي فأتيك، فاجاب: لا انت احق ان تؤتى، فقال: فما تأمرني؟ فاجاب: هذه هي امرأتك! فاذا ابنته قائمة خلفه، فأدخلها ابوها الى البيت وخرج.
صعد ابو وداعة الى سطح البيت واخبر الجيران، فاجتمعوا لزواجه، وفوجئ بانها من اجمل الناس، وأحفظهم لكتاب الله تعالى، واعلمهم بسنة نبيه، واعرفهم بحق الزوج.
وبعد شهر قابل ابيها في المسجد، فقال ابوها: كيف حال ابنتي معك؟
فقال ابووداعة:
كما يحب الصديق ويكره العدو

يعتي ايه دين

على الفضائيات نسمع كلمة الدين في كل الاوقات وفي كل المواضع من الاعراب وبمعاني كتيير

عشان كده كان لازم اسأل يعني ايه دين

بمعنى اخر ايه هي القواعد اللى لو انطبقت على شئ نقول عليه دين

يعني لما تسمع عبارة زي الدين لله والوطن للجميع تفهم منها ان الدين ده حاجه بينك وبين الله عز وجل
ودا طبعا في الاديان السماوية يعني لو حبينا نحط تعريف اشمل هنقول الدين هو علاقة الانسان بربه

بس طبعا التعريف ده قاصر او لا يدل على الدين الاسلامي على وجه الخصوص

فانت تجد في الاسلام دلالات تصلح قواعد اساسية او قاعد عامة لعلوم دنيوية كثيرة منها الفلك والهندسة على سبيل المثال
وَالشَّمْسُ تَجْرِي لِمُسْتَقَرٍّ لَّهَا ذَلِكَ تَقْدِيرُ الْعَزِيزِ الْعَلِيمِ * وَالْقَمَرَ قَدَّرْنَاهُ مَنَازِلَ حَتَّى عَادَ كَالْعُرْجُونِ الْقَدِيمِ * لَا الشَّمْسُ يَنبَغِي لَهَا أَن تُدْرِكَ الْقَمَرَ وَلَا اللَّيْلُ سَابِقُ النَّهَارِ وَكُلٌّ فِي فَلَكٍ يَسْبَحُونَ
يس

وبالتالي يمكن اعتبار الاسلام حالة شاذة او تعديل التعريف ليصبح
الدين هو علاقة الانسان بربه وعلاقته بالكون من حوله

ثم تجد نفسك مرة اخرى امام نظريات اقتصادية
يَا أَيُّهَا الَّذِينَ آمَنُواْ إِذَا تَدَايَنتُم بِدَيْنٍ إِلَى أَجَلٍ مُّسَمًّى فَاكْتُبُوهُ وَلْيَكْتُب بَّيْنَكُمْ كَاتِبٌ بِالْعَدْلِ ...
البقرة

ونظريات اجتماعيه
الْيَوْمَ أُحِلَّ لَكُمُ الطَّيِّبَاتُ وَطَعَامُ الَّذِينَ أُوتُواْ الْكِتَابَ حِلٌّ لَّكُمْ وَطَعَامُكُمْ حِلُّ لَّهُمْ وَالْمُحْصَنَاتُ مِنَ الْمُؤْمِنَاتِ وَالْمُحْصَنَاتُ مِنَ الَّذِينَ أُوتُواْ الْكِتَابَ مِن قَبْلِكُمْ إِذَا آتَيْتُمُوهُنَّ أُجُورَهُنَّ مُحْصِنِينَ غَيْرَ مُسَافِحِينَ وَلاَ مُتَّخِذِي أَخْدَانٍ وَمَن يَكْفُرْبِالإِيمَانِ فَقَدْ حَبِطَ عَمَلُهُ وَهُوَ فِي الآخِرَةِ مِنَ الْخَاسِرِينَ
المائدة

تجد الاسلام متشعبا منغلغلا في كل امور حياتك حتى قال بعض مشركي قريش
" أرى صاحبكم علمكم كل شيء حتى الخراءة "

فاذا كان الاسلام هكذا
هل الاسلام دين؟
ام ان الاعلام الرسمي لديه تعريف اخر للدين لا يشمل الاسلام كدين؟

Liberty

	Why a Jew can grow his beard in order to practice his faith
	But when Muslim does the same, he is an extremist and terrorist!
	Why a nun can be covered from head to toe in order to devote herself to God
	But when Muslimah does the same she oppressed!!!
	When a western women stays at home to look after her house and kids she is respected because of sacrificing herself and doing good for the household?
	But when a Muslim woman does so by her will, they say, "she needs to be liberated"!
	Any girl can go to university wearing what she wills and have her rights and freedom?
	But when Muslimah wears a Hijab they prevent her from entering her university
	When a child dedicates himself to a subject he has potential.
	But when he dedicates himself to Islam he is hopeless!
	When a Christian or a Jew kills someone religion is not mentioned, but when Muslim is charged with a crime, it is Islam that goes to trial?!
	When someone sacrifices himself to keep others alive, he is noble and all respect him.
	But when a Palestinian does that to save his son from being killed, his brother's arm being broken, his mother being raped, his home being destroyed, and his mosque being violated -- He gets the title of a terrorist!
	When there is a trouble we accept any solution? If the solution lies in Islam, we refuse to take a look at it.??!!
	When someone drives a perfect car in a bad way no one blames the car!!
	But when any Muslim makes a mistake or treats people in a bad manner - people say "Islam is the reason"???!
	Without looking to the tradition of Islam, people believe what the newspapers say.
	But always keep questioning what the Quran says!!!

حب الله

قال تعالى:

وَمِنَ النَّاسِ مَن يَتَّخِذُ مِن دُونِ اللّهِ أَندَاداً يُحِبُّونَهُمْ كَحُبِّ اللّهِ وَالَّذِينَ آمَنُواْ أَشَدُّ حُبًّا لِّلّهِ وَلَوْ يَرَى الَّذِينَ ظَلَمُواْ إِذْ يَرَوْنَ الْعَذَابَ أَنَّ الْقُوَّةَ لِلّهِ جَمِيعاً وَأَنَّ اللّهَ شَدِيدُ الْعَذَابِ

انظر كيف بين الله تعالى نوعا من انواع الشرك وهو ان تحب شيئا في حياتك كحبك لله فانت بهذا قد اتخذته ندا لله

اذا سألت رجلا هل تعبد شيئا من دون الله لثار وهاج عليك وربما حرض كل من بالمكان على قتلك ولكن اذا قلت له تعال نصلي في المسجد قال لك اخشى ان يسرق حذائي او اخشى تبلل ملابسي, ساصلي في البيت حين اعود

لا يتخيل احد ابدا انه يعبد حذاءه او ملابسه وهو لا يفعل بل هو يحب مظهره اكثر من حبه لله

هو لا يرقى بحذاءه ولا بملابسة لمنزلة الالوهية من دون الله ولكنه والعياذ بالله لا يرى الله سبحانه وتعالى في منزله الحق منزلة الخالق مالك الملك

لا تطاوعني الكلمات لاقول اين المنزلة التي يرى خالقه فيها

تلك الفتاة التي لا تحسن حجابها, هل تحب زينتها اشد من حبها لله؟ اذا فقد جعلت ندا لله

ذلك الرجل الذي لا يستطيع الاقلاع عن الخمر , هل يحبها اشد من حبه لله؟ اذا فقد جعل ندا لله

وهذا هو ذنبة الذي استحق عنه العذاب الاليم في نار جهنم

وَفِي الصَّحِيحَيْنِ عَنْ عَبْد اللَّه بْن مَسْعُود قَالَ : قُلْت يَا رَسُول اللَّه أَيّ الذَّنْب أَعْظَم ؟ قَالَ " أَنْ تَجْعَل لِلَّهِ نِدًّا وَهُوَ خَلَقَك"

رمضان كريم

كل عام وانتم الى الله اقرب وعلى طاعته ادوم

Man is a pupil, pain is his teacher.
Alfred de Musset

It's not because things are difficult that we don't dare.It's because we don't dare that things are difficult.
Seneque

The wise man asks himself the reason of his mistakes.The fool asks others.
Chinese proverb

By trying often, the monkey learns to jump from the tree.
Cambodian proverb

With time and patience, the mulberry leaf becomes silk.
Chinese proverb

Life's battles don't always go to the stronger or faster man, but sooner or later the man who wins is the one who thinks he can.
Bruce Lee

تحويل مجرى التاريخ

وَإِذْ يَرْفَعُ إِبْرَاهِيمُ الْقَوَاعِدَ مِنَ الْبَيْتِ وَإِسْمَاعِيلُ رَبَّنَا تَقَبَّلْ مِنَّا إِنَّكَ أَنتَ السَّمِيعُ الْعَلِيمُ * رَبَّنَا وَاجْعَلْنَا مُسْلِمَيْنِ لَكَ وَمِن ذُرِّيَّتِنَا أُمَّةً مُّسْلِمَةً لَّكَ وَأَرِنَا مَنَاسِكَنَا وَتُبْ عَلَيْنَا إِنَّكَ أَنتَ التَّوَّابُ الرَّحِيمُ

ترك ابراهيم عليه السلام ابنه الوحيد مع امه هاجر المصرية في الصحراء بامر من الله عز وجل وعاد الى زوجته سارة في بيت المقدس
ليهبه الله اسحاق ويعقوب نبيين عليهما وعلى نبينا السلام
ثم يولد ليعقوب اثنا عشر ولدا كلهم انبياء ويلقب يعقوب بـ إسرائيل اي عبد الله في العبرية القديمةويكون ابناءه الاثنا عشر هم بدء نسل بني اسرائيل ويخرج من اصلابهم انبياء كثيرين منهم يحيى وزكريا
ومنهم موسى الرسول الذي جاء بالتوراة واليهودية
ومنهم عيسى الرسول الذي جاء بالانجيل ليتم شريعة موسى
وكلاهما بشر بنبي رسول يأتي بعدهما ليتم الله عليه يدية الدين الذي يرضاه تعالى للبشر
وظل الحال على هذا اليهود ينتظرون نبيهم الموعود الذي يملكون معه الدنيا باسرها
وكان اليهود في الجزيرة العربية يستفتحون على العرب ويتفاخرون بهذا النبي

ثم كانت الصدمة لقد جاء النبي
ولكنه ليس من ابناء يعقوب
انه من ابناء اسماعيل
من اسماعيل؟
انه ذلك الرضيع الذي تركه ابوه وامه في الصحراء
انه ذلك الصبي الذي كاد ابوه ان يذبحه ثم فداه الله عز وجل بذبح عظيم
انه ذلك الشاب الذي رفع مع ابيه قواعد البيت العتيق

كانت صدمة شديدة على اليهود
كيف تتحول النبوة من نسلهم من نسل بني اسرائل الى نسل بني اسماعيل؟

ثم كانت الصدمة الثانية اشد واقسا
تحولت القبلة من بيت المقدس - قبلة بني اسرائيل - الى بيت الله الحرام الذي رفع قواعده اسماعيل

رغم ان هذا الحدث كان محنة على الاسلام
وَمَاجَعَلْنَا الْقِبْلَةَ الَّتِي كُنتَ عَلَيْهَا إِلاَّ لِنَعْلَمَ مَن يَتَّبِعُ الرَّسُولَ مِمَّن يَنقَلِبُ عَلَى عَقِبَيْهِ وَإِن كَانَتْ لَكَبِيرَةً إِلاَّ عَلَى الَّذِينَ هَدَى اللّهُ وَمَا كَانَ اللّهُ لِيُضِيعَ إِيمَانَكُمْ إِنَّ اللّهَ بِالنَّاسِ لَرَؤُوفٌ رَّحِيم

الا انه رفع هامه كل من هداه الله وزادهم عزا وفخرا وكرامة

عرض الاعمال

تعرض اعمالنا الان على خالقنا
على من سيحاسبنا ويجزينا الجزاء الاوفى
فهل استعدينا

عن أسامة بن زيد رضي الله عنهما قال: قلت يا رسول الله: لم أرك تصوم من شهر من الشهور ما تصوم من شعبان؟ قال : {ذاك شهر تغفل الناس فيه عنه، بين رجب ورمضان، وهو شهر ترفع فيه الأعمال إلى رب العالمين، وأحب أن يرفع عملي وأنا صائم} [رواه النسائي].

كان رسول الله صلى الله عليه وسلم يصوم من شهر شعبان اكثره وعلل هذا بان الاعمال تعرض على رب العالمين

انت ماذا فعلت وانت تعلم ان اعمالك تعرض على رب العالمين

نموذج مصغر من ذلك يوم ارسال التقارير الى المدير العام
ماذا تفعل اذا علمت ان المدير العام يقرأ الان تقريرا كتبه مديرك المباشر عنك

تتوتر - تأكل اظافر يدك - تظن بمديرك المباشر ظن السوء - تفكر في الكذب لتداري القصور - تحاول تعليق قصورك على اخريين

كل هذا لن يفلح مع رب العالمين
فهو يعلم خائنة الاعين وما تخفي الصدور
وهو يطالع الان اعمالك

فماذا انت فاعل؟

بلدي طنطا واحب اعيش اونطا

طريق مصر اسكندرية الزراعي يمر بمدينة طنطا
اي مستخدم لهذا الطريق عندما يصل الى مدينة طنطا يشط انه عن طريق الخطأ تجاوز الطريق الزراعي ودخل الى احد الطرق الداخلية في المدينة

ذلك لان الطريق تم بناء جانبيه وذلك منذ زمن بعيد حتى اصبح بالفعل طريقا داخليا في المدينة
حتى ان السرعة المحددة عليه لا تتجاوز 60 كم في الساعة

هل هذا يعقل 60 كم في الساعة على طريق يربط بين المحافظات

واخيرا تم انشاء طريق بديل ياخد المار من اول مدينة طنطا مباشرة الى مدينة كفر الزيات وبذلك يعد الطريق بمثابة طريق دائري لمدينة طنطا

ولكن
تم تحديد كارتة للمرور على الطريق
وكأنك يا ايو زيد ما غازيت

طب ليه الكارته على الطريق ده
طب الطرق الصحراوية ماشي مافيش محافظة تهتم بالطريق وصيانته
طب ده طريق داخلى تابع لمحافظة الغربية

ماهو حاجة من اتنين يا اما المرسيدس غليت والمحافظ مش عارف يجدد عربيته
يا اما مش لاقي فلوس يصرف على فريق الكورة اللي صعد اخيرا للدوري الممتاز

تحديث 14 سبتمبر
اللوحة اللى مكتوب عليها اسعار الكارته اتشالت
وعلى فكرة الطريق الجديد بيوفر 5 كيلو فقط، مش مهم المهم متدخولش في الزحمة

القطــــــ س ح م ــــــــار

كارثة جديدة قديمة من كوارث القطارات
لن اتكلم عن الاهمال
لن اتكلم عن التسيب
لن اتكلم تاريخ القطارات في مصر
فقط سأتكلم عن الضحايا

فئة من الشعب المصري كادحة بالفعل
تسافر يوميا من بلادها الى القاهرة حيث قدر الله لها ان تنزل ارزاقها
يغدون صباحا ويروحون مساءا بارزاقهم التي قدرها الله لهم

هؤلاء الفئة ليسوا من نسج الخيال ولا من صنع اوراق الجرائد ولا كلمات نجيب محفوظ
لأنهم لم يظهروا في ايها

بعد حادث قليوب الاليم
احمد الله كثيرا ان هذا الحادث لم يكن اثناء العام الدراسي
فلو كان ,لصار عدد الضحايا خمسة اضعاف هذا العدد على اقل تقدير

انا اعرف هذا القطار جيدا
القطار القادم من دمياط باتجاه القاهرة
يخرج من محطة طنطا 6:40
كان هذا بين عامي 1996 و 2001
هذه هي الفترة التي كنت استعمل فيها هذا القطار
كنت اسافر فيه يوميا اثناء دراستي في كلية الهندسة جامعة الازهر
علمت بعد ذلك ان المعاد ربما قدم 10 او 5 دقائق

من فضل الله علي انه لم يصب لي قريب او صديق في هذا الحادث
ولكني حزين على القطار نفسه فهو عشرة عمر بالنسبة لي

وحزني يزداد وازداد الما عندما اسمع عن التعويضات
السيد الفاضل رئيس حكومتنا زاد اسعار الوقود فهي تستحق الزيادة اما المواطنين فاسعارهم في النازل

ويا ترى رجال الاعمال اللى اتبرعوا بالملايين لمكافئة لعيبة الكورة هيساعدوا الناس دي
ويا ترى الفنانين اللى بيتعالجوا من فلوسنا حايساعدوا بحاجة
ولعيبة الكورة اللى على قلبهم قد كده حاسوا اصلا بالناس دي ولا لأ
واحمد شوبير نائب طنطا اللى سايب الطنطاويه للفشل الكلوي وبيدور على حقوق الكورة

انا لله وانا اليه راجعون

الازهر الشريف

بني الازهر الشريف بأمر من المعز لدين الله الخليفة الفاطمي في مصر ليكون مسجدا جامعا وجامعة لتدريس العلم الديني واللغوي
وكان العلماء ينتهجون المذهب الشيعي تبعا لسطان الفاطميين
حتى استولى صلاح الدين الايوبي على حكم مصر فأمر بإغلاق الازهر الشريف حيث ان صلاح الدين سني لا يقبل بافكار الشيعة
حتى جاء عصر المماليك وبعد انتهاء الحرب على التتار واستولى الظاهر بيبرس على حكم مصر فاعاد فتح الازهر الشريف ليكون جامعاً وجامعةً ولكن هذه المرة لتدريس المذهب السني

وظل الازهر الشريف لفترات طويله منارة العلم الديني التي تنبع من قاهرة المعز لترسل بنور العلم لربوع الارض ومشارقها ومغاربها

ولم يقتصر دور الازهر على العلم فقط بل كان للازهر دور هام في الحركات السياسية على مر العصور وكلنا يعلم دور الازهر ايام الاحتلال الفرنسي والاحتلال الانجليزي وكيف كان شوكة في ظهور كل منهم

ثم جاءت ثورة يوليو وجاء معها المد الاشتراكي الروسي الشيوعي
وكانت الحرب الداخلية على مراكز القوى ومنها الازهر

عانى الازهر والازهرية من ويلات هذه الحرب ومازال يعاني حتى يومنا هذا

من يتابع السينما المصرية يلاحظ الاختلاف الكبير في تمثيل صورة الشيخ الازهري في افلام قبل وبعد الثورة

ظهرت صورة الشيخ الاراجوز والذي يتبناها حتى الان فنان مصر الاول عادل امام

ظهرت العديد من النكات والافشات التي تسخر من الازهر والازهرية

ثم كانت الضربة القاسمة التي بالفعل ارى انها السبب الرئيسي في بعد الازهر عن مكانته القديمة وهي اضافة الكليات العلمية للازهر

اضيفت الكليات العلمية للازهر بحجة التطوير ومجاراة العصر وبهدف تخريج الطبيب والمهندس المسلمين الذين يرفعان راية الاسلام عالية بعلمهما وعملهما معا

وكان هذا هو السم الذي وضع في العسل
نعم الهدف غالي ونبيل ومطلوب
لكن ما هو الثمن

الثمن ان الكليات العلمية جذبت الطلبة المتفوقيين ولم يتبقى للكليات الازهرية الاصليه
الا الطلاب الضعاف اصحاب المجاميع الضعيفة في الثانوية الازهرية

اصبح طالب كلية اللغة العربية حاصل على 50% في مادة اللغة العربية في الثانوية الازهرية
وبالتالى لن تجد خريجا من كلية اللغة العربية مثل الشيخ محمد متولي الشعراوي

قس على ذلك كليات مثل اصول الدين وكلية الشريعة الاسلامية الخ

والنتيجة
ضعف خطباء المساجد
فتح الساحة على مصراعيها لانصاف المتعلمين للحديث في الدين
ضعف الوعي الديني
استعمال الارهابيين للدين كوسيلة لجذب الشباب

اليس الثمن باهظا

ليه الكلام كتر قوي اليومين دول على الشيعة والخلاف بين السنة والشيعة
عشان حزب الله شيعي
والخلافات البسيطة بقت مصايب لازم تتحل دلوقتي
والخلافات الكبيرة بقت سبب للتكفير بل بقت ذريعة للتعاون مع اسرائيل ضد حزب الله
هو فيه ايه
هو احنا عبط للدرجادي
ليه دايما عندنا مشكلة في الاولويات من أول الراجل البسيط اللي ماشي في الشارع لحد رؤساء الدول وفطاحلة السياسة
مرورا بالمثقفين ورجال الدين

تلاقي الراجل مش لاقي ياكل وكل همة علبة السجاير وايجار وصلة الدش
وخطباء المساجد سابوا الزنا والربا والمفاسد اللتي منخوره في مجتمعنا وماسكين في السنن لحد ما خلوا اللي مابيفهموش يتريقوا عليهم
والمثقفين وصل بيهم تقليد الغرب انهم بقوا بيترقوا علينا ماهو ده برضوا من ضمن التقليد
ودلوقت تلاقي السياسيين بيفكروا في المد الايراني المحتمل في المنطقة وناسيين الدودة الصهيونية اللى عمالة تقرقض في عضامنا

ماهو حاجه من اتنين
يا اما دول جواسيس صهاينه بيحاولوا يشتتونا ويبعدوا تفكيرنا عنهم وعن اللى بيعملوه لحد ما يخلصوا
يا اما احنا عشان ما بعرفش بندور على العدو الاضعف او اللى ما لوش ضهر ونخبط فيه

قانا - لبنان

قُل لَّن يُصِيبَنَا إِلاَّ مَا كَتَبَ اللّهُ لَنَا هُوَ مَوْلاَنَا وَعَلَى اللّهِ فَلْيَتَوَكَّلِ الْمُؤْمِنُونَ * قُلْ هَلْ تَرَبَّصُونَ بِنَا إِلاَّ إِحْدَى الْحُسْنَيَيْنِ وَنَحْنُ نَتَرَبَّصُ بِكُمْ أَن يُصِيبَكُمُ اللّهُ بِعَذَابٍ مِّنْ عِندِهِ أَوْ بِأَيْدِينَا فَتَرَبَّصُواْ إِنَّا مَعَكُم مُّتَرَبِّصُونَ


التوبة - 51و52

الجيش العربي في مصر
ساكن في مدينة نصر
بيصحى من النوم العصر
وبيفطر شاي و منين

واحد اتنين الجيش العربي فين

الجيش العربي في سوريا
حالق عالموضة كابوريا
وعلى طريقة فكتوريا
خلّى الترماي بدورين

واحد اتنين الجيش العربي فين

الجيش العربي الليبي
زيّ الفن التكعيب
يكله بتنجان يا حبيبي
الظاهر واخد عين

واحد اتنين الجيش العربي فين

الجيش العربي خليجي
ما فيه حيل لا يروح ولا ييجي
هذا صمت استراتيجي
اش فيك يا غراب البين

واحد اتنين الجيش العربي فين

الجيش العربي في تونس
اخضر مثل البقدونس
وعزيزة بتعشق يونس
يبقى الحروبات بعدين

واحد اتنين الجيش العربي فين

الجيش العربي سوداني
سامع رنّته بوداني
هو انا هاهجم فردان
ييالا ارجع يا ابو حسين

واحد اتنين الجيش العربي فين

الجيش العربي اتهان
يوم ما انضربوا الأفغان
وسكت في البوسنة زمان

واحد اتنين الجيش العربي فين

منقول

البرغوت العبيط

اي واحد عنده بضاعة ويسمع انها غليت بيفرح
إلا في مصر
لما تسمع ان الغاز الطبيعي اللي بتنتجه ارض مصر اللي بيملكها شعب مصر يعني بالتالي الشعب المصري بيملك الغاز الطبيعي المصري
لمل تسمع انه غلى لازم تفرح دا معناه انك هتبيع وتكسب والاشيه هتبقى معدن
بس يا حلو ما تستعجلش دا غلى عليك انت بس
واحد يقولي ايه يا عم العبط ده هوا انا هشتري الحاجه بتاعتي
اقوقله امال مين اللي هيشتريها

اسرائيل عامله معاك اتفاقية من زماااااااااان عشان تاخد الغاز بسعر التراب ولسه بتاخده لحد دلوقت بنفس السعر
يبقى لما مصاريف استخراج الغاز تزيد مين اللي يتحمل الفرق ؟ اكيد سياتك
عموما
لما الغاز يتباع لاسرائيل ارخص ما يتباعلك يبقى انت اكيد المصري
لما الحديد بتاعك يتباع لاسرائيل ارخص ما يتباع لك يبقى انت اكيد المصري
لما الجاز يغلى السنة اللي فاتت 100% والسنادي 25% وانت ساكت يبقى انت اكيد المصري
لما تكون من طبقة هي اكثر من 50% من الشعب والطبقة محدش بيتكلم عنها لا في مجلس الشعب ولا في الاعلام ولا حتى في المظاهرات يبقى انت اكيد المصري

يا راجل دا المستثمر الاجنبي بسهولة جدا ياخد حتة الارض ويبنى عليها مصنع والحكومة كمان تعملهوله منطقة حرة
يعني داخل خارج لا جمارك ولا يحزنون
وييجي واحد مصري عشان يحاول يعمل اي حاجة انشاله قدرت فوول تلاقي كتيبة كاملة من شرطة المرافق بتجري وراه لما تقطع نفسه
ويتمرمت بين المصالح الكوميه على تراخيص وامضائات ولازم يصطاد سبعتاشر تمنتاشر نسر عشان تستلمه بعد كده الضرايب

واظاهر ان العدوى انتقلت من الشعب للبراغيت
البرغوت عمال يمص دم الفقير رغم انه الفقير دمه ناشف وجلده ناشف قوى على بال البرغوت ما يعرف يوصل للدم يكون نفسه اتقطع
مع انه لو مص دم الغني هيلاقيه مليان دم وجلده سهل يتخرم وعمره ما هيبات ناقص دم
بس تعمل ايه

Do you belive that?

There is a friendship between Israeli girl and a Lebanon child
see here she is writing a message for him

here is the reciever

عثاء كغثاء السيل

منذ تم اسر الجندي الاسرائيلي في فلسطين واقامت اسرائيل الدنيا
واستنفرت كل جهودها لإعادته الى اهله ووطنه سالما معافا
وانا اذكر جنودنا الذين قتلوا على الحدود مع الاحتلال وكيف كان رد الحكومة المصرية يشير الى عدم الاكراث والى الهوان في التعامل مع الموقف ثم جاء الهجوم الضاري الاسرائيلي على غزة انتقاما لأسر جندي
ثم جاء الهجوم الضاري على لبنان انتقاما لاسر جنديين اخرين وتدمير مطار لبنان الدولي وكأنه مقر قيادة حزب الله
ثم سمعنا بالامس خبر غرق سفينة تجارية مصرية عليها 12 مصري
وحزب الله يقول ان اليهود اغرقوها واسرائيل تقول حزب الله من اغرقها
لماذا تتنصلون
لا يهم من اغرقها
لا يهم من قتل ابناء مصر
لا يهم من قتل ابناء الفراعنة
لا يهم من قتل احفاد رمسيس الثاني

ياعم قلبك ابيض المهم عملية السلام تمشي .عملية السلام اللي عمرو موسى قال بعضمة لسانه ان امريكا من خلال مجلس الامن ادتها لاسرائيل تعمل فيها اللي هي عايزاه

يا عم كبر دماغك ما احنا عندنا المراكب بتغرق لوحدها وبيبقا عليها اكتر من كده بكتيير يعني هي جت على اللي 12 دول

معلش يا جماعة حصل خيير

زيدان

بالامس بعد الصلاة في المسجد تلفت الامام لمواجهة المصلين وبدأ يلقي كلمة ليعظ الناس استشهادا بحادثة طرد زين الدين زيدان اللاعب الفرنسي المسلم الشهير
وبدأ حديثه بقول رسول الله صلى الله عليه وسلم عندما هزمت ناقته في احدى السباقات ولم تكن تهزم قط
قال صلى الله عليه وسلم
(إن حقاً على الله أن لا يَرفع شيئاً من الدنيا إلا وضعه).
واشار الى كيف ان اللاعب بعد ما نال القسط الوافر من الشهرة والمال وكاد يبلغ عنان السماء كيف انهى حياة الشهرة بالطرد

وقد قمت بالتأكد من صحة الحديث وبحثت عن تخريجه فوجدة كالاتي:
أحمد في مسنده وصحيح البخاري وأبو داود والنسائي عن أنس

وقرأت اليوم على موقع BBC
ان الاتحاد الدولي لكرة القدم سيجري تحقيقا عن الحادثة وان اللاعب الايطالي ماتيراززي انكر بشده ان يكون سب زيدان بوصفه ارهابي او سبه بامه
لا ادري ماذا كان السؤال ولكن الاجابة ربما توحي بانه فعل

وقالت ال بي بي سي ايضا ان
BBC Radio Five Live
قد استعانت بخبير لقراءة حركات الشفاة الذي رجح ان يكون ماتيراززي قد سب زيدان بقوله
"you're the son of a terrorist whore"
"انت ابن عاهرة ارهابية"

شكرا للشيخ على النصيحة
وشكرا لزيدان على الحمية واللعب الجميل
وشكرا لماتيراززي على العنصرية
وشكرا للفيفا على الفير بلاي

كيف تحكم الشعوب

حكاية قديمة لا نعرف ابطالها ولا زمانها ولكنها تصلح لكل زمان

يحكى ان حكيما كان يعيش في بلاط احد الملوك
ويعمل على تربية الامراء وتجهيزهم لتولي مهام الحكم
وذات مرة طلب الحكيم من الامير ان يقوم بسلق ضفدع حي
ورغم دهشة الامير وامتعاضه من الطلب بل واقتناعه ايضا انه امر سهل هين بدا المحاولة
جهز الامير القدر وملأه بالماء
وجهز الحطب ثم صاد احد الضفادع
ووضع الضفدع في الماء ثم اشعل النار
ظل الضفدع هادئا حتى اشتدت حرارة الماء فقفز الضفدع هاربا
إلا ان الامير اسرع بامساكه مرة اخرىوالقاه في الماء فقفز الضفدع مرة اخرى
هنا شعر الامير ان الامر مجرد مقلب وضعه فيه الحكيم
وظل يدور هنا وهناك يبحث عن طريقة للخروج من هذا المأزق
كيف يجبر الضفدع على المكوث في الماء وهو يغلي
حتى ما تعب الامير واستسلم ذهب يطلب المشورة من معلمه الحكيم

وهنا اخبره الحكيم ان الامر في غاية البساطة
احضر الحكيم القدر ووضع فيه ماء باردا ووضع الضفدع في الماء
ظل الضفدع هادئا مستمتعا ببرودة الماء
قام الحكيم باشعال نار هادئة جدا لاتكاد تدفء ما حولها
وجلس ينظر الى القدر بهدوء وصبر
بدء الماء يسخن شيئا فشيئا وببطء شديد
وبدأت عضلات الضفدع تسترخي مع دفء الماء
حتى ما وصلت درجة حرارة الماء الى الدرجة التي تزعج الضفدع لم يستطع القفز
والضفدع يحاول ويحاول دون جدى
عضلاته مسترخية لدرجة شديدة
لم يفده الزعر الشديد لم يفده حب الحياة لم يفده شئ
انتهى كل شئ
مع هذه المحاولات علم الحكيم انه قد تمكن من الضفدع تماما
وهنا قام بزيادة الحطب واشعل نارا اكبر

وقال للأمير
"هكذا تحكم الشعوب"

الطفلة المرعبة

بعد ان ارتبط الفشل بالعملية التعليمية في مصر ارتباط الحر بالصيف والبرد بالشتاء
جاءت حادثة الطفلة الاء لتلقي الضوء على نوع جديد من الفساد
ولا اقصد الخصاء الفكري فهذا معروف منذ زمن
وانما اقصد موقف المصحح مدرس اللغة العربية الذي اصابه الفزع من موضوع التعبير لطالبه في الصف الاول الثانوي
فسارع إلي ابلاغ رئيس لجنة التصحيح بمضمونه‏,‏ الذي فوجيء بدوره واستشعر الخوف‏,‏ ومن ثم وضع مدير المدرسة في الصورة‏,‏ بعد أن قدم إليه ورقة الطالبة التي هي دليل اقتراف الجريمة‏.‏
مدير المدرسة بحكمته البالغة آثر السلامة وأحال الأمر إلي مدير المنطقة التعليمية‏,‏ الذي وجد أن الأمر يجب تصعيده إلي المستوي الأعلي‏,‏ فأوصل الأمر إلي وكيل وزارة التربية والتعليم بمحافظة الدقهلية التي تتبعها المدرسة‏
الذي عرف على الفور ان الفتاة تعاني من مرض ادى الى تضخم عقلها بسرعة كبيرة مما قد يؤثر على حياتها وحياة المجتمع المصري كله
لذلك جب استئصال هذا العقل

من مقال فهمـي هـويـــدي تحت عنوان إنهم يهددون حاضرنا ومستقبلنا

الخطوة الأهم في الموضوع جاءت من طرف الرئيس مبارك‏,‏ الذي طلب اعادة تصحيح ورقة آلاء‏.‏ مع التجاوز عن الانتقادات السياسية التي وجهتها‏,‏ الأمر الذي يعني أن كل الاجراءات العقابية التي استهدفتها سيتم الغاؤها‏.‏ذلك كله عالج الشق الاجرائي والعاجل في المشكلة‏.

‏وبقي الشق الآخر‏,‏ الذي هو كارثي بامتياز‏,‏ المتمثل في موقف الهرم التعليمي كله‏,‏ الذي رأيناه في هذه الحالة مرتعشا ومرعوبا وقمعيا بلا رحمة‏,‏ حيث لم يحتمل أولئك المربون الأفاضل من تلميذة عمرها خمسة عشر عاما أن تتكلم في السياسة‏.‏

فقرروا انزال أقسي العقوبات بها‏,‏ الأمر الذي يعكس أحد أوجه التحولات الحاصلة في سلوك الجهاز التعليمي‏,‏ والبيروقراطي بوجه عام‏,‏ الذي أصبح يري في القمع أسلوبا أمثل للتعامل مع الجمهور‏.

‏ لكي ندرك عمق تلك التحولات‏,‏ بين يدي شهادة تحدث عن علاقة الأساتذة بتلاميذهم قبل أكثر من نصف قرن‏.‏
فقد تحدث الدكتور سعيد إسماعيل أستاذ أصول التربية البارز بجامعة عين شمس في سيرته التي أصدرها تحت عنوان هاؤم اقرءوا كتابيه‏,‏ عن أستاذ اللغة العربية الذي كان يخيرهم في كل مرة‏,‏ وهم في السنة الأولي الثانوي‏,‏ بين كتابة الانشاء إما في موضوع سياسي عن أحداث الساعة‏,‏ أو في موضوع آخر‏,‏ وذات مرة طلب الأستاذ من تلاميذه أن يكتب الواحد منهم عن نزهة في الحقول‏,‏ تمتعت فيها بمناظر الطبيعة الخلابة‏,‏ فتحدث عما شاهدت‏,‏ وواس الفلاح بكلمة رقيقة‏.‏

في موضوع التعبير الذي كتبه التلميذ سعيد إسماعيل يومذاك‏1951/12/15‏ قال ما نصه‏:‏ أردت أن أروح عن نفسي من عناء سماع وحشية الإنجليز‏,‏ فقررت أن أقوم برحلة بين الحقول‏:‏ وبعد أن وصف مناظر الطبيعة كتب يقول‏:..‏ ثم رأيت بشرا‏..‏ يشقون في سبيل الحصول علي بضعة قروش بها‏,‏ بينما هناك رأسماليون يجلسون في بيوتهم ساقا فوق ساق‏,‏ والنقود تتكدس عليهم‏.‏ إن الفلاح يعرف ذلك‏.‏ ولكن ماذا يفعل؟ ـ إنه مكبل بقيود علي شكل قوانين من آثار الاحتلال الغاشم‏.‏
وفي مواساته للفلاحين قال‏:‏ انكم تعلمون انكم في بؤس وضنك شديد‏,‏ تعلمون كل هذا‏,‏ ولكن صبرا‏,‏ فإن فرج الله قريب‏.‏ لأنه كلما اشتد الظلام قرب النور‏.

‏يذكر الدكتور سعيد اسماعيل في سيرته أن كراسة الانشاء حفلت بالشعارات التي كان يسجلها مع موضوعات الانشاء‏,‏ بعضها كلمات للأستاذ خالد محمد خالد التي يقول فيها‏:
‏ اذا خفنا اليوم ان نصطلي بنار الثورة دفاعا عن بلادنا‏,‏ فسنصطلي بها دفاعا عن اعدائنا‏.‏
واذا آثرنا الطمأنينة علي الحرية‏,‏ فسنفقد الطمأنينة والحرية ـ و‏..‏
الثورة علي الطغاة من طاعة الله و‏..‏
ان طريق الواجب هو أقصر الطرق إلي المجد‏,‏ ولكن في مصر يحدث العكس‏.

‏قبل‏55‏ عاما احتفي استاذ اللغة العربية بتلميذه المنجذب للسياسة والداعي إلي الثورة سعيد اسماعيل‏,‏ ودأب علي منحه أعلي الدرجات في الانشاء ـ ولابد لصاحبنا هذا ان يحمد ربه لأنه لم يكتب هذا الكلام في مدرسة عام‏2006

الحلم ومعاده

حتى الاحلام بمعاد؟
ايوه طبعا امال انت كنت فاكر ايه
تحلم كده بمزاجك
كام مرة حلمت او اتمنيت حاجه بسيطة جدا وبعد ما حققتها حسيت انك كنت اهبل
او انك اندحك عليك في حلمك
طبعا كل ده غلط
انت لا كنت اهبل ولا اندحك عليك ولا حاجه كل الحكايه انك على ما حققت الحلم كان خلاص
ما بقاش وقته
ودي اكبر مشكله بين الاباء والابناء
الاباء بيحلموا لولادهم من يوم ما يتولدوا ويبدأوا يجهزوا ويستعدوا للحلم ده
وتكون النتيجة ان الولد يتمرد والاب يزعل
ونسمع المقولة الشهيرة
قلبي على ولدي انفطر وقلب ولدي على حجر
والاب بينسى ان حلمه اللي ابنه مش عايز يحققهوله ده هو كان بيحلم بيه من 20 سنه
طب هو ينفع دلوقت ولا لأ ياترى هو فكر في كده

برضه انت لما يبقا نفسك في عربيه تفرق
لما تجيب العربية وانت عندك 20 سنه
غير لما تجيبها وانت عندك 30 غير 40 وهكذا

مش بقول ما تحلمش لا بالعكس احلم واحلم واحلم
بس كل ما يمر بيك الزمن حدث حلمك وطوره

عصبية ولا اقتناع

لما بتتفرج على متش كورة بتشجع الاهلى او الزمالك رغم انك عارف ان لعبه وحش
وبتشتم الحكم لو حسب ضربة جزاء على فريقك رغم انك عارف انها صحيحة
دي اسمها عصبية او حمية الجاهلية

وانا في احدى مراحل الدراسة كنا بندرس حديث رسول الله
بني الاسلام على خمس شهادة ان لا اله الا الله ....... الخ

قال لنا المدرس انه يجب على كل مسلم ان ينطق بالشهادتين مرة واحدة في العمر بنية الدخول في الاسلام

من هنا انا بسأل كل واحد انت مسلم عصبية ولا اقتناع
انت بتقول لا اله الا الله وانت حاسس معناها ولا عشان اتعودت انك لما تشوف حاجة تشير للموت تقولها
لما واحد يبلتج عليك ومتعرفش تاخد منه حق ولا باطل بتقول حسبي الله ونعم الوكيل وانت بتقصد معناها ولا زي ما تكون بتشتم وتجرى

انا مش بقول كده عشان افتكرت استاذي ولا عشان نظرية الكورة لا
انا كمان شفت مسيحيين بيقولوا صلي على النبي
ومسيحيين بيقولوا لا حول ولا قوة الا بالله
ومسيحيين بيقولوا علي الطلاق
ومسيحيين بيحسبنوا

دا ملوش غير معنى واحد
ان الكلام طالع من بقنا مافيش فرق بينه وبين الامثال الشعبية
ما فيهوش اي روح دينيه
يعني الجمل دي ما بقاتش اسلاميه دي بقت مصرية

مذيع مسلم

مش كل واحد بيقدم برامج دينية يتقال عليه مذيع مسلم
مش قصدي انه مش مسلم او انه مش مذيع
لا انا بص بأصد ان اللي يستخدم كل ادوات مهنته لخدمة الاسلام
هو ده اللى يتستحق اضافة مسلم بجوار مهنته
واحد زكي يقولي طب هو يعني انت بينطبق عليك الشرط
اقوله انا بتمنى ودا اسلوب بلاغي باعتبار ما سيكون ان شاء الله
اللي انا شايف انه يستحق لقب مذيع مسلم هو الاستاذ عمرو خالد
انا بشعر في كل برنامج بيعمله وكل فكرة بيطرحها انه فعلا بيحاول يخدم الاسلام
مش مجرد انه بيحاول يوصل معلومة او يعمل فرقعة او يجمع اكبر قدر من الاعلانات
مع احترامي لكل معارضيه او الناس اللي انتقدوه انا بتكلم على قالب مش على محتوى


تحيه الى عمرو خالد

الفن رساله

اتخنقت من الافلام العربي
كل الافلام حاجه واحد قصة حب شاذه
وبلاش كل الافلام لاني مش متابع جيد للسنما المصرية
عشان اتخنقت زي ما قلت في الاول

تشوف اي فلم تلاقي قصة حب فيها حاجة غلط وطول الفلم عمال يخترع في مشاكل وشوية بنات تتمايص وشويه هدوم او كانت هدوم قبل ما ينزل عليها التخفيض ونكت قديمة او تلميحات جنسيه قال يعنى على المنتغطى ونجمنا الكبير يضرب الرجاله على قفاها والحريم على مؤخراتها وما يخلاش الامر من شيخ لزوم التريقة والضحك

رغم ان عمري ما شفت فيلم اجنبي يطلع فيه رجل دين بصورة غير لائقة
احنا الشعب الوحيد اللي بيتريق على رجال الدين

وطبعا لازم شويت نصائح في اخر الفيلم لا تتعدى الدقيقة عشان يكون الفيلم هادف

ولما تسمع حد من الفنانين يطلع في التليفزيون يقولك الفن رسالة ما يبقاش كداب
ماهي الدقيقة بنص جنيه والرسالة كمان بنص جنيه
يعني الدقيقة = رسالة

اظاهر عندي اكتئاب ولا ايه مش عارف

في ناس كتير ملهاش علاقة بالهندسه بس عايشه الدور ومقنعا نفسها انهم مهندسينوالناس كمان بتساعدهم على كدهكل من ليس له علاقة بالشرطة او النيابه فهو مهندس - طبعا دول البشوات-
على فكرة انا خريج كليه الهندسة قسم نظم وحاسبات وشغال مبرمج كسيب ما شاء الله ونفسي في مرة احس بطعم كلمة مهندس
سعات كتيير بندم اني دخلت القسم ده واقول لنفسي ليه مدخلتش عمارة مانا بحب الرسم زي عنيا وكنت جايب امتياز وصفيه ورسم هندسي
دا انا حتا والدي كان مهندس معماري

وارجع اقول ماهو البرمجة برضه فن وهندسة وكانت كابسه على دماغي قوي وانا بختار
كنت حاسس ان دي المتعة الوحيده في الدنيا
افتكر قد ايه ببقى سعييد لما احل مشكله فضلت محيراني وقت طويل
غيرش بس بتوع حاسبات ومعلومات والمنح المجانيه هما اللى مضيعين علينا المتعة

الله يرحم والدي مكانش عايزني ادخل هندسه اصلا
قالي يابني الكمسري بيتقاله يا بشمهندس

اللهم ارحم أمواتنا وأموات المسلمين

hello world

اي واحد شغال في البرمجه يعرف
hello world
دائما اي كتاب بيبقى اول مثال فيه هو ده
انا ما حبتش ابدا البلوج بتاعي باكتئاب فقلت ابدأ بيها